لاہور(ویب ڈیسک) احد چیمہ نے ایف بی آر کے روبرو خود کو اندون ملک اربوں روپے مالیت کی 21جائیدادوں کا مالک بیان کیا ہے۔احد چیمہ کی تمام غیر منقولہ جائیداد اور بینک اکاونٹس منجمند کرنے کا فیصلہ کیا گیا ہے۔ نیب ذرائع کا کہنا ہے کہ احد چیمہ کی تمام تر منقولہ اور غیر منقولہ جائیداد کا ریکارڈ حاصل کر لیا ہے۔ جبکہ آئندہ پیشی پر عدالت سے احد چیمہ کے تمام بینک اکاونٹس اور پراپرٹی منجمند کرنے کی استدعا کر دی ہے۔ احد چیمہ نے ایف بی آر کے روبرو خود کو اندون ملک اربوں روپے مالیت کی 21جائیدادوں کا مالک بیان کیا ہے۔ احد چیمہ کوٹ مومن میں 20کنال زرعی اراضی، بھیک احمد یار حافظ آباد میں 134کنال 12مرلہ اور 113کنال 19 مرلے زرعی اراضی کا مالک ہے۔ لاہور کے کرباٹھ گاﺅں میں 2کروڑ روپے سے زائد مالیت کے تین کنال کے پلاٹ ، لاہور کنٹونمنٹ میں 4کروڑ روپے سے زائد مالیت کے 8کنال کے پلاٹ احد چیمہ کی زیر ملکیت ہیں۔ موضع کرباٹھ میں ہی کروڑوں روپے مالیت کی 28کنال 16مرلے زرعی اراضی، موضع کرباٹھ میں ڈیرھ کروڑ روپے مالیت کے تین کنال کے پلاٹ احد چیمہ کے ہیں۔ ماڈل ٹاﺅن لاہور میں 10کروڑ روپے سے زائد مالیت کی 16کنال اراضی ، ایل ڈی اے ایونیووں میں ایک کروڑ روپے سے زائد مالیت کے پلاٹ نمبر 70-1 D کوآپریٹو سوسائٹی اسلام ا?باد کے بلاک ای میں 50لاکھ روپے سے زائد مالیت کا پلاٹ نمبر 71احد چیمہ کی ملکیت ہے۔ بینک الفلاح ایمپلائز ہاوسنگ سوسائٹی بیدیاں روڈ لاہور میں ایک کروڑ روپے سے زائد مالیت کے 2پلاٹ ، سی ڈی اے اسلام آباد کے بلاک 143میں 50لاکھ روپے زائد مالیت کے فلیٹ 50,A1 لاکھ روپے سے زائد مالیت کے ہل لاک ویو اسلام آباد میں فلیٹ نمبر 1004ڈی احد چیمہ کا ہے۔ ایف ا?ئی اے ایمپلائز ہاسنگ سکیم اسلام ا?باد میں لاکھوں روپے مالیت کے پلاٹ، فیڈرل گورنمنٹ ایمپلائز ہاوسنگ فاونڈیشن )پی ایچ ایف ) میں 50لاکھ روپے سے زائد مالیت کے پلاٹ احد چیمہ کی زیر ملکیت ہیں۔ احد چیمہ کی ایف آئی اے ایمپلائز ہاسنگ سوسائٹی اسلام آباد میں قسطوں پر لئے گئے پلاٹ، ایف جی ای ایچ ایف G-13 میں بھی قسطوں پر لیئے گئے ایک پلاٹ اور فیصل ریزیڈنشیا اسلام آباد میں قسطوں پر لئے گئے دو پلاٹس کا مالک ہے۔ نیب نے ا?ئندہ احد چیمہ کی جائیدادوں اور بینک اکاونٹس کی تفصیلات اکٹھی کرنا شروع کر دی ہیں۔ نیب 5 مارچ کو احتساب عدالت کے روبرو احد چیمہ کی تمام جائیداد اور بینک اکاونٹس منجمند کرنے کیلئے درخواست کریگی ، عدالتی منظوری کے بعد احد چیمہ کے تمام بینک اکاونٹس اور جائیداد منجمند کر دیا جا ئیگا ، نیب ذرائع نے دعوی کیا ہے کہ احد چیمہ کے خلاف ثبوت مل چکے ہیں۔
.