لندن (خصوصی رپورٹدیر تک کمپیوٹر کے سامنے بیٹھنے کے نتیجے میں نوجوانوں میں گردن اور کمرکے درد کی شکایات میں اضافہ ہورہا ہے ۔ یہ بات برطانوی ادارے کیرو پریکٹک ایسوسی ایشن کی طرف سے جاری رپورٹ میں بتائی گئی۔ رپورٹ کے مطابق 16 سے 24 سال کی درمیانی عمر کے ایسے افراد جو دن کا زیادہ تر وقت کمپیوٹر پرکام کرتے گزارتے ہیں ، میں گز شتہ ایک سال کے دوران گردن اور کمر کے درد کی شکایات28فیصد سے بڑھ کر45 فیصد ہوگئی ہیں۔ ان افراد کی اکثریت روزانہ10گھنٹے سے زیادہ وقت کمپیوٹر، لیپ ٹاپ، ٹیلی ویژن، موبائل اوردیگر گیمنگ ڈیوائسز کے سامنے گزارتی ہے ۔ ان میں سے اکثر اس بات سے لاعلم ہیں کہ دیرتک ایک ہی حالت میں بیٹھنے سے کمردرد اورگردن کے پٹھوں پرمنفی اثرات مرتب ہوسکتے ہیں۔ کمپیوٹر کے سامنے بیٹھنے والے افراد کو یہ مشورہ دیا گیا ہے کہ وہ کام کے دوران تھوڑی تھوڑی دیر بعد چہل قدمی کریں اور کافی مقدار میں پانی استعمال کریں۔