لاہور (ویب ڈیسک) جی ٹی روڈ شاہدرہ پر ایک ٹریفک وارڈن نے معصوم بچوں کے اغوا کی کوشش ناکام بنا دی۔ بتایا گیا ہے کہ ایک نامعلوم رکشہ ڈرائیور دو بچوں کو اپنےرکشہ میں اغوا کرکے لے جارہا تھا کہ بچوں نے ٹریفک وارڈن کو دیکھ کر رونا اور چیخنا شروع کردیا جنہیں دیکھ کرٹریفک وارڈن نے رکشہ کا تعاقب کیا تو رکشہ ڈرائیور بچوں کو جی ٹی روڈ پر چھوڑ کر فرار ہو گیا۔ ٹریفک وارڈن نے دونوں بچوں کو اپنی نگرانی میں چائلڈ پروٹیکشن بیورو کے سپرد کردیا ہے۔ بیورو نے بچوں کے والدین سے رابطہ کی کوشش شروع کردی ہیں