اسلام آباد (آن لائن) پاکستان مسلم لیگ (نواز) کے رہنماءدانیال عزیز پانامہ کیس میں وزیراعظم نواز شریف کی عوام کے سامنے بے گناہ ہی ثابت کرتے کرتے خود لاکھوں روپے کے نادہندہ نکلے۔ میڈیا رپورٹس کے مطابق مسلم لیگ (ن) سے تعلق رکھنے والے رکن پارلیمنٹ دانیال عزیز گن اینڈ کنٹری کلب کے ان 32 ممبران مین شامل ہیں جن کے ذمہ دار کلب کے لاکھوں روپے واجب الادا ہیں۔ یکم جولائی کو کلب انتطامیہ کی جانب سے یار کی گئی فہرست میں گن اینڈ کنٹری کلب کے ایڈمنسٹریٹر دنیال عزیز کے علاوہ ایس ڈی پی آئی کے سابق ایگزیکٹو ڈائریکٹر عابد قیوم کے علاوہ تنویر الیاس ‘ راجہ ہارون راشد ‘ ریاض چیمہ‘ سید اسد عباس سمیت دیگر کئی ممبران شامل ہیں۔ جنہوں نے کلب کے لاکھوں روپے ادا کرنے ہیں۔ فہرست کی تفصیلات کے مطابق دانیال عزیز نے 419,501 روپے اور عابد قیوم نے 263,171 روپے کلب کو ادا کرنے ہیں کلب کی ویب سائٹ پر تمام ممبران کو 28 فروری 2017 ءسے قبل تمام واجبات ادا کرنے کا کہا گیا تھا کلب کے قواعد و ضوابط کے مطابق 90 دن کے بعد واجبات ادا نہ کرنے کی صورت میں ممبران کی رکنیت ادائیگی تک معطل کردی جاتی ہے۔ اس حوالے سے دانیال عزیز نے کہا ہے کہ انہوں نے 14 تاریخ کو 5 لاکھ روپے ادا کردیئے تھے اس سے قبل گھر او ر پتہ تبدیل کرنے اور مصروفیات کی بنا پر ادائیگی نہیں کر سکا۔ تاہم کلب کے ایک کاﺅنٹر پر 15 جولائی کو بھی ڈیفارلٹرز کی فہرست آویزاں تھی جس میں دانیال عزیز کا نام بھی شامل تھا۔

اسلام آباد (کرائم رپورٹر) انسداد دہشتگردی کی عدالت میں ایس پی عصمت اللہ تشدد کیس کی سماعت کے دور ان عمران خان پھر پیش نہیں ہوئے جبکہ مسلم لیگ (ن) کے رہنما دانیال عزیز نے 2014 کے دھرنوں کے دوران ایس ایس پی آپریشن عصمت اللہ جونیجو پر تشدد سے متعلق کیس میں انسداد دہشت گردی کی عدالت سے مقدمے میں اشتہاری قرار دیئے گئے ملزم عمران خان کو رینجرز کے ذریعے گرفتار کرنے کی درخواست کی ہے۔ جمعرات کو اسلام آباد کی انسداد دہشت گردی عدالت میں 2014 کے دھرنوں کے دوران ایس ایس پی آپریشن عصمت اللہ جونیجو پر تشدد سے متعلق کیس کی سماعت ہوئی جس میں مسلم لیگ (ن) کے رہنما دانیال عزیز پیش ہوئے ¾سماعت میں استغاثہ کے گواہ کا بیان قلمبند کیا گیا۔دانیال عزیز نے عدالت سے درخواست کی کہ عمران خان اس کیس میں اشتہاری ہیں جنہیں رینجرز کے ذریعے گرفتار کیا جائے۔ عدالت کے جج شاہ رخ ارجمند نے کہا کہ چالان کی بنیاد پر کیس آگے بڑھارہے ہیں اور جلد بیانات مکمل کرکے کیس نمٹا دیں گے۔ (ن) لیگ کے رہنما نے عدالت میں دلائل دیتے ہوئے کہا کہ 3 سال ہوگئے کیس میں کوئی پیشرفت نہیں ہو رہی جس پر عدالت نے دانیال عزیز کو جے آئی ٹی کی تشکیل کیلئے درخواست دینے کی ہدایت بھی کی۔ سماعت کے بعد صحافیوں سے گفتگو کرتے ہوئے مسلم لیگ ن کے رہنما دانیال عزیز نے کہا کہ عدالت نے عمران خان کو اشتہاری مجرم قرار دیا ہوا ہے، خیبرپختونخوا حکومت بتائے کہ اس نے کیوں ایک اشتہاری مجرم کو سرکاری ریسٹ ہاﺅس میں پناہ دے رکھی ہے۔دانیال عزیز نے کہاکہ معلوم نہیں کیوں عمران خان کے معاملے پر تمام ادارے مفلوج ہوجاتے ہیں کیوں انہیں سانپ سونگ جاتا ہے۔ عمران خان 780اے کے مجرم ہیں۔ عدالت نے عمران خان کو باقاعدہ اشتہاری قرار دیا ہے۔ دوسروں کے احتساب کی باتیں کرنے والوں نے اپنے صوبے میں احتساب کے ادارے کو تالا لگا رکھا ہے۔ عمران خان کو ایک ادارے کی رپورٹ میں حیوان لکھا گیا ہے ¾لیگی رہنما نے کہا کہ سارے پاکستان نے دیکھا ایس ایس پی کے سر پر ڈنڈے مارے گئے۔ عمران خان کے خلاف ایس پی تشدد کیس 3 سال سے چل رہا ہے۔ عمران خان روز پریس کانفرنس کرتے ہیں، سب کو معلوم ہے وہ کہاں ہیں۔ عدالتی اہلکار بنی گالا میں عمران خان کی رہائش گاہ پر اشتہار چسپاں کرکے آئے ہیں۔ عمران نے نتھیا گلی میں سرکاری ریسٹ ہاﺅس میں پناہ گاہ بنائی ہوئی ہے۔ انہوں نے کہا کہ پاکستان اور اس کے اداروں کا مذاق نہ بنایا جائے۔دانیال عزیز نے کہا کہ الیکشن کمیشن نے عمران خان کو غلیظ اور حیوان قرار دیا۔ عمران خان حکومتی اداروں کی تذلیل کرتے ہیں۔ یہ کیسا نیا پاکستان ہے جو عمران خان عوام کو دکھا رہے ہیں۔ مسلم لیگ (ن )کے رہنما دانیال عزیز نے کہا کہ عدالت نے عمران خان کو اشتہاری مجرم قرار دیا ہوا ہے ¾خیبرپختونخوا حکومت بتائے کہ اس نے کیوں ایک اشتہاری مجرم کو سرکاری ریسٹ ہاﺅس میں پناہ دے رکھی ہے۔

اسلام آباد (ویب ڈیسک)پاکستان مسلم لیگ(ن) کے رہنما دانیال عزیز نے کہا ہے کہ الزامات لگانا اور پگڑیاں اچھالنا ہی عمران خان کا نیاپاکستان ہے ¾عمران خان اگرسچے ہیں تو جمائما سے لئے گئے پیسوں کی منی ٹریل بتائیں،2003ءکے گوشواروں کے مطابق عمران خان ٹیکس چوری میں ملوث رہے ہیں، وہ حکم امتناعی کے پیچھے چھپ رہے ہیں۔بدھ کو الیکشن کمیشن میں مسلم لیگ(ن) کے رکن طلال چوہدری اوردیگر کے عمران خان کے خلاف نااہلی کے ریفرنس کی سماعت کے بعد میڈیا سے گفتگوکرتے ہوئے دانیال عزیز نے کہا کہ الزامات لگانا اور پگڑیاں اچھالنا ہی عمران خان کا نیا پاکستان ہے، تحریک انصاف نے شریف خاندان کے خلاف باقاعدہ مہم شروع کررکھی ہے جبکہ 4 سال میں نواز شریف کا گراف اوپر ہی گیا ہے۔ دانیال عزیز نے کہا کہ الیکشن کمیشن میں بہت بڑے انکشافات سامنے آئے ہیں، نیازی سروسز کے نام 6 اورکمپنیاں سامنے آئی ہیں، عمران خان کی آف شور کمپنیوں میں ان کی بہنوں کے نام بھی ہیں،کیا عمران خان چاہتے ہیں کہ ان کے خاندان کے افراد کی تذلیل کی جائے۔ انہوں نے کہا کہ عمران خان نے اپنے فلیٹس سے متعلق بار بار اپنے بیانات تبدیل کئے، عمران خان اگرسچے ہیں تو جمائما سے لئے گئے پیسوں کی منی ٹریل بتائیں۔ انہوں نے کہا کہ عمران خان نے 2003ءمیں الیکشن کمیشن کو جمع کرائے گئے اپنے گوشواروں میں 65 لاکھ روپے خود ادا کرنے کا اعتراف کیا، وہ بتائیں کہ کیا یہ پیسے انہوں نے اپنے آپ کو گفٹ کئے ہیں۔ دانیال عزیز نے کہا کہ عمران خان بتائیں کہ وہ پرنس راشد خان کی پرچیاں کیوں دے رہے ہیں۔

اسلام آباد(ویب ڈیسک)مسلم لیگ (ن) کے رہنما دانیال عزیز نے کہا ہے کہ نیب اور ایف بی آر حکومتی اشاروں پر نہیں ناچ رہے ، پی ٹی آئی رہنماﺅں نے قومی اداروں پر الزامات لگا کر قوم کا چہرہ داغدار کردیا،عدالت نے ایف بی آر کو کیس تحقیقات ختم کر نے کا کہا تھا، نیب اور ایف بی آر پر الزام لگانے والے بتائیں کہ آخر جنرل حامد کو کیوں نکالا گیا؟ایسا کیس پہلی مرتبہ عدالت میں آیا جسے سب کو تسلیم کرنا ہو گا، ریاست کو بچانے کے لئے سیاست کو بچانا ضروری ہے ، عمران خان پرچی سسٹم پر اپنی جماعت کو چلا رہے ہیں جبکہ مائزہ حمید نے کہا ہے کہ یہ عدالت ہے کوئی کنٹینر نہیں جہاں پر الزامات لگائے جائیں،سپریم کورٹ میں ثبوت دینے پڑتے ہیں۔ منگل کے روز سپریم کورٹ کے باہر صحافیوں سے گفتگو کرتے ہوئے دانیال عزیز نے کہا کہ ایف بی آر اور نیب کی کارروائی کے حوالے سے جو باتیں پی ٹی آئی والے رہنما کرکے گئے ہیں وہ بہت بڑی زیادتی ہے، ایف بی آر اور نیب حکومتی اشاروں پر نہیں ناچ رہے ، چیئرمین نیب کی تقرری کے بعد چیئرمین آزاد ہوتا ہے ، جوڈیشل کمیشن ہی صرف چیئرمین کو ہٹا سکتی ہے لیکن آج پی ٹی آئی والوں نے چیئرمین نیب پر الزامات لگا کر قوم کاچہرہ داغدار کیا ہے لیکن یہ بات پی ٹی آئی والے پی گئے کہ یہ کیس اس وقت کا ہے جب ہمارے اوپر 52کیسز بنائے گئے تھے ، ظفر علی شاہ کیس میں ججز کے ریمارکس ہیں کہ ہر جگہ شریف لوگ موجود ہوتے ہیں ، عمران خان جب عدالت میں کیس لے کر آئے تو اس وقت عدالت نے تحفظات کا اظہار کیا تھا ، عمران خان کے دلائل کے بعد جب کمیشن بنانے کا کہا گیا تو عمران خان نے انکار کردیا تھا۔انہوں نے کہا کہ آج ایف بی آر سے عدالت میں پوچھا گیا تو ایف بی آر نے جواب دیا کہ ہم نے نوٹسز فریقین کو بھیجے ہیں جب جواب آئے گا تو آگاہ کریں گے ایسا کیس پہلی مرتبہ آیا ہے جس کو تسلیم کرنا ہو گا ہمیں ہر دور میں کہا گیا کہ کرپشن کی بنیاد پر حکومت ختم کریں ، آصف زرداری آٹھ سال جیل میں گزار کر آئے تو صدر بن گئے ، یوسف رضا گیلانی پانچ سال جیل میں رہ کر آئے تو وزیراعظم بن گئے ، نوازشریف اور بے نظیر بھٹو کو ہٹایا گیا تو وہ وزیراعظم بنے ، ہماری حکومت نے دہشت گردی کو کنٹرول کرکے ملکی معیشت کو مستحکم کیا ہے آج تمام عالمی ادارے پاکستان کی مستحکم ہوتی معیشت کا اعتراف کررہے ہیں اور ریاست کو بچانے کے لئے سیاست کو بچانے کی ضرورت ہے ، آج عمران خان کیخلاف تمام سروے آرہے ہیں ۔انہوں نے عمران خان کو مخاطب کرتے ہوئے کہا کہ پی ٹی آئی ٹوٹ پھوٹ کا شکار ہو چکی ہے ، عمران خان نے چار الیکشن کمشنرز تبدیل کئے ہیں ، پرچی سسٹم پر پی ٹی آئی چل رہی ہے ۔انہوں نے کہاکہ ہمارے قائد نے پھر بھی اعتراف کیا کہ اگر کوئی شک ہے تو میں احتساب کے لئے تیار ہوں حالانکہ عمران خان حنیف عباسی کے کیس اور سڑک پار الیکشن کمیشن میں منہ چھپاتے پھر رہے ہیں ۔عمران خان کے بغل گیر جہانگیر ترین کی کرپشن پکڑی گئی تو اس نے چھ کروڑ روپے کا جرمانہ ادا کیا ، عمران خان نے ٹیکس چوری کرکے کالا دھن بنایا۔انہوں نے کہاکہ ہمیں احتساب کا کہنے والے یہ بتائیں کہ جنرل حامد کو کیوں نکالا گیا ، اپنے گریبان میں جھانک کر دیکھیںجبکہ مسلم لیگ (ن) کی رہنما مائز حمید نے کہا کہ عمران خان نے ٹیکس ہی جمع نہیں کرائے ان کو یہ بھی پتہ ہونا چاہیے کہ کنٹینرز پر کھڑے ہو کر الزامات لگائے جاسکتے ہیں مگر سپریم کورٹ میں ثبوت پیش کرنا پڑتے ہیں جو کہ ان کے پاس نہیں ہیں ، عمران خان جعلی کاغذات کی بنیاد پر سیاست کررہے ہیں۔