پشاور(ویب ڈیسک)مسلم لیگ (ن) کے رہنما اور وزیراعظم کے مشیر ا نجینئر امیر مقام نے کہا ہے کہ سی پیک اور پاکستان کی ترقی بھارت سے ہضم نہیں ہورہی ہے ، دہشت گردوں کے خلاف آخری دم تک لڑ کر امن قائم کریں گے، ہر روز بڑی تعداد میں عوام،سیاسی رہنمان لیگ میں شمولیت اختیار کررہے ہیں اور یہ میاں نواز شریف کی کارکردگی کی وجہ سے ہے۔ان خیالات کا اظہار انہوں نے عظمت خان دادزئی سمیت ملاقات کے لئے آنے والے وفد سے گفتگو کرتے ہوئے کیا ۔ملاقات کے دوران مسلم لیگ (ق)کے ضلعی صدر عظمت خان دادزئی ساتھیوں سمیت مسلم لیگ ن میں شمولیت کا اعلان بھی کیا ۔اس موقع پر گفتگو کرتے ہوئے انجینئر امیر مقام نے کہاکہ ہر روز بڑی تعداد میں عوام،سیاسی رہنمان لیگ میں شمولیت اختیار کررہے ہیں اور یہ میاں نواز شریف کی کارکردگی کی وجہ سے ہے۔انہوں نے کہا کہ سی پیک اور پاکستان کی ترقی بھارت سے ہضم نہیں ہورہی ہے ،قیام امن ساری قوم کا مسئلہ ہے۔امیر مقام نے کہا کہ دہشت گردوں کے خلاف آخری دم تک لڑ کر امن قائم کریں گے،پاکستان تیزی سے ترقی کررہا ہے۔ان کا کہنا تھا کہ دہشتگردوں کی تلاش کیلئے شہری انٹیلی جنس اداروں سے تعاون کریں،ہم نے دکھانا ہے کہ ہم ڈرنے والے نہیں ہیں۔امیر مقام کا مزید کہنا تھا کہ پاکستان کی ترقی دیکھ کر ملک دشمن عناصر سازشوں میں لگے ہیں،دہشت گردی کاناسور ختم کرنے کیلئے قوم اورسیکیورٹی فورسز متحد ہیں۔آخر میں ان کا کہنا تھا کہ قوم دہشت گردی ختم کرنے کے مشن میں نوازشریف کاساتھ دے،دہشتگردوں،سہولت کاروں پرنظررکھناپوری قوم کی ذمے داری ہے۔

ساہیوال(ویب ڈیسک)سابق وزیر اعلیٰ پنجاب اور پیپلز پارٹی کے مرکزی رہنما میاں منظور احمد وٹو نے انکشاف کیا ہے کہ آئندہ انتخابات میں پیپلز پارٹی کے تحریک انصاف سے اتحاد ہوسکتا ہے کیونکہ مسلم لیگ (ن )نے میثاق جمہوریت کی دھجیاں اڑائی ہیں ساہیوال پریس کلب میں صحافےوں سے بات چےت کرتے ہوئے کہا کہ مسلم لیگ (ن )کے حالیہ اقدامات اور سرگرمیاں آمرانہ دور کی یاد کو تازہ کر رہی ہے اور مسلم لیگ(ن) کی قیادت فسطائیت پر اتر آئی ہے اور ہارون آباد میں پیپلز پارٹی کے رہنما شوکت بسرا پر قاتلانہ حملہ اس کی زندہ مثال ہے اس حملہ میں شوکت بسرا کا پی اے امتیاز کا قتل ریاستی دہشت گردی ہے انہوں نے کہا کہ پیپلز پارٹی کے چیئر مین بلاول بھٹو زرداری 10مارچ کو ملتان میں ایک بڑے جلسہ اہم سے خطاب کرینگے اس سلسلہ میں جلسہ کے انتخامات کو آخری شکل دی جا رہی ہے اس جلسہ عام میں ساہیوال ڈویژن کے تینوں اضلاع اوکاڑہ، پاکپتن اور ساہیوال سے بڑے قافلے شرکت کرینگے انہوں نے آخر میں ایک سوال کے جواب میں پاناما لیکس کے مسئلہ پر سپریم کورٹ ایک تاریخی فیصلہ کرنے جا رہی ہے جس سے انہیں امید ہے کہ ملک میں کرپشن کے خاتمہ میں مدد ملے گی ۔ تاہم پیپلز پارٹی اسمبلی میں قانون سازی کے لیے بھر پور کردار ادا کر رہی ہے۔

اسلام آباد (ویب ڈیسک) وزیر مملکت اطلاعات مریم اورنگزیب نے کہا ہے کہ وزیراعظم قوم کی خدمت اورفلاح کی سیاست کرتے ہیں ،عمران خان صرف خوابوں اور خیالوں میں ان کا مقابلہ کر سکتے ہیں، مقابلے کیلئے وزیراعظم جیسا اخلاق پیدا کرنا اور وضع دار بننا پڑےگا،پاکستان سے محبت اور عوام کی خدمت کرنا پڑےگی،عمران خان تعلیم ،صحت اورکھیل کے شعبوں میں مدد کیلئے شہبازشریف سے رجوع کریں اور وزیراعظم تعلیمی اصلاحاتی پروگرام اورہیلتھ کیئرپروگرام پر مریم نواز سے مدد لیں، دن میں چوبیس گھنٹے جھوٹ بول کر قوم کو گمراہ کرنےوالاشخص ناکام ہو گا، وزیراعظم نے عمران خان کو کے پی کے میں حکومت کرنے کا موقع دیا لیکن انہوں نے وہ بھی ضائع کر دیا۔عمران خان کے خطاب پر ردعمل کا اظہار کرتے ہوئے وزیر مملکت اطلاعات مریم اورنگزیب نے کہا ہے کہ عمران خان صرف خوابوں اور خیالوں میں نواز شریف کا مقابلہ کر سکتے ہیں، محمد نواز شریف قوم کی خدمت اورفلاح کی سیاست کرتے ہیں ، انہوں نے کہا کہ خان صاحب صرف جھوٹ اور انتشار کی سیاست کرتے ہیں ، انہوں نے کہا کہ نواز شریف سے مقابلے کیلئے ان جیسا اخلاق پیدا کرنا اور وضع دار بننا پڑےگا،پاکستان سے محبت اور عوام کی خدمت کرنا پڑےگی،عوام کے ووٹ اور دعائیں لینی پڑیں گی، ان کی طرح تین دفعہ وزیراعظم منتخب ہونا پڑیگا،انہوں نے عمران خان کو مخاطب کرتے ہوئے کہا کہ زندگی مقابلے اور جدوجہد کانام ہے مگر جھوٹ کے مقابلے کا نہیں،انہوں نے کہا کہ عمران خان نے آج کے پی کے میں سپورٹس ، صحت اور تعلیم پر بھی جھوٹ بولا ،مریم اورنگزیب نے کہا کہ خان صاحب نے صحیح کہا کہ پرویز خٹک اور شہباز شریف کا کوئی مقابلہ نہیں کیونکہ پچھلے ڈیڑھ سال میں شہباز شریف نے ہرضلع میں کھیلوں کے میدان بنائے ہیں، پنجاب میں ہر ضلع میں یونین کونسل کی سطح پر کھیلوں کے میدان آباد ہیںجبکہ عمران خان آج یونین کونسل کی سطح پر کھیلوں کے گراو¿نڈبنانے کی پالیسی مرتب کر رہے ہیں ، انہوں نے کہا کہ شہباز شریف نے پنجاب میں پورا تعلیمی نصاب آن لائن کر دیا ہے،55ہزار سکولوں میں نظام تعلیم اور انفراسٹرکچر کو بہتر بنایا ، انہوں نے کہا کہ عمران خان تعلیم ،صحت اورکھیل کے شعبوں میں مدد کیلئے شہبازشریف سے رجوع کریں اور وزیراعظم تعلیمی اصلاحاتی پروگرام اورہیلتھ کیئرپروگرام پر مریم نواز سے مدد لیں، انہوں نے کہا کہ کے پی کے میں کسی بھی ہسپتال میں نیا کمرہ،کسی سکول میں کلاس روم اور کسی شہر میں نیا کھیل کا میدان ہی دکھا دیں، انہوں نے کہا کہ عمران خان آ پ کو کرکٹر پاکستان نے بنایا انگلستان نے نہیں، انہوں نے کہا کہ خان صاحب اپنے آپ میں وطن اور وطن کے لوگوں سے محبت کا جذبہ پیدا کریں،مریم اورنگزیب نے کہا کہ دن میں چوبیس گھنٹے جھوٹ بول کر قوم کو گمراہ کرنے والاشخص ناکام ہو گا، انہوں نے کہا وزیراعظم نے عمران خان کو کے پی کے میں حکومت کرنے کا موقع دیا لیکن انہوں نے وہ بھی ضائع کر دیا۔

لاہور(ویب ڈیسک )پاکستان مسلم لیگ ق کی رکن صوبائی اسمبلی خدیجہ عمرفاروقی نے اورنج ٹرین منصوبے میں مبینہ فراڈ پر پنجاب اسمبلی میں تحریک التوائے کار جمع کروادی انہوںنے اپنی تحریک التوائے کار میں کہا کہ اورنج ٹرین منصوبے کی 22زیر زمین شاوں کی لمبائی ڈیزائن سے کم نکلی، لمبائی ساڑھے 16میٹر کی بجائے 11میٹر نکلی ،ٹرین چلنے پر حادثہ ہوسکتا تھا انہوںنے کہا کہ ٹھیکیدار نے ٹھوکر نیاز بیگ کے قریب ستون نمبر258اور359کی کنکریٹ کی22زیر زمین شاخوں کی لمبائی ڈیزائن سے کم کرکے منصوبے کو حفاظتی نکتہ نگاہ سے خطر ے میں ڈال دیا ،فراڈ نیسپاک کے نگران انجینئر نے شک پڑنے پر پکڑا اور جب ان زیر زمین ستونوں کاخاص سکینر کے ذریعے الٹرا ساﺅنڈ ٹیسٹ کیا گیا جس میں ان کی زیر زمین لمبائی ڈیزائن کے مطابق ساڑھے سولہ میٹر کی بجائے 11سے12میٹر نکلی جس پر ٹھیکہ نئی کمپنی کو15فیصد مہنگے ریٹ پر دے دیا گیا جس سے منصوبے کی لاگت3سے5ارب روپے بڑھ جائے گی۔ خدیجہ فاروقی نے کہا کہ شہباز حکومت کے منصوبے خزانے پر بوجھ اور انسانی جان کیلئے خطرناک ہے ابھی اورنج ٹرین کا ٹریک ہی زیر تعمیر ہے جس پر درجنوں افراد حادثات میں اپنی جانوں سے ہاتھ دھو بیٹھے ہیں ۔دوسری طرف محکمہ سوشل سیکیورٹی پنجاب نے ایل ڈی اے کے نام خط میں انکشاف ہوا ہے کہ منصوبے پر کام کرنے والے مزدوروں کو سوشل سیکیورٹی قوانین کے تحت ادائیگی معاہدے کا حصہ ہے لیکن اس مد میں کروڑوں روپے مزدوروں تک نہیں پہنچے اور وہ کرپشن کی نذ ر ہوچکے ہیں ۔انہوںنے اپنی تحریک میں مطالبہ کیا کہ اس معاملہ کو بحث کے لیے اسمبلی میں پیش کیا جائے اور فراڈ میں ملوث اہلکاروں کے خلاف کارروائی سے پنجاب اسمبلی کے ایوان کو مطلع کیا جائے۔

اسلام آباد(ویب ڈیسک)مسلم لیگ (ن) کے رہنما¶ں نے کہا ہے کہ عمران خان کا نیب کے متعلق بیان بہت بڑا مذاق ہے،عمران خان کو اینٹی کرپشن کی الف، ب کا بھی نہیں پتہ، جب وہ گیند کے پیچھے بھاگ رہے تھے ہم اینٹی کرپشن کے ادارے بنا رہے تھے اور قانون پڑھ رہے تھے۔ ایک وقت ایسا آئے گا جب عمران خود مریم نواز کے حق میں نعرے لگائے گا،جھوٹے بیانات پر وزیراعظم تو کیا کسی رکن کو بھی نا اہل قرار نہیں دیا جا سکتا۔ جمعہ کے روز سپریم کورٹ کے باہر میڈیا سے گفتگو کرتے ہوئے وزیر مملکت برائے اطلاعات مریم اورنگزیب نے کہا ہے کہ عمران خان نے پھر پرانی باتیں دوہرا رہا ہے، سڑکوں پر کھڑے ہو کر لوگوں کی ما¶ں بہنوں پر الزام لگایا جاتا ہے، پانامہ لیکس سے وزیراعظم کا کوئی تعلق نہیں ہے اور تحریک انصاف بطور ثبوت ایک کاغذ کا ٹکڑا بھی پیش نہیں کر سکی، جھوٹ کی بنیاد پر وزیراعظم تو کیا کسی ایم این اے کو بھی نا اہل قرار نہیں دیا جا سکتا ،ثبوت کے معیار کا فیصلہ عدالت عظمی نے کرنا ہے ، عمران خان احتجاج اور جھوٹ سے کیس نہیں جیت سکتے۔ مریم اورنگزیب نے کہا ہے کہ تحریک انصاف کے 3وکلاءبات کر چکے ہیں مگر ایک بھی ثبوت نہیں دے سکے ،عدالت نے بھی اپنے ریمارکس کہا ہے کہ تحریک انصاف کوئی ٹھوس شواہد فراہم نہیں سکی ہے ، مریم اورنگزیب نے کہا ہے کہ وزیراعظم نے کہا ہے کہ جب بھی عدالت دستاویزات مانگے گی تو ہم فراہم کر دیں گے، عمران خان سے خیبرپختونخوا کے احتساب کمیشن کا پوچھے وہ نیب کو کیا ٹھیک کریں گے، پہلے کے پی کے کو ٹھیک کریں۔ انہوں نے مزید کہا ہے کہ عمران خان کو ایک اور مبارکباد دیتے ہیں کل نارووال میں ایک اور فیتہ کٹ گیا ہے ،لاکھوں غریب لوگوں کو صحت کی سہولیات کی فراہمی کیلئے کارڈ تقسیم کئے جارہے ہیں ،انہوں نے کہا کہ اگر عمران خان چاہیں تو انہیں علاج کیلئے مفت کارڈ دے سکتے ہیں، آج پانامہ کے متعلق کوئی بات نہیں ہوئی اس سے ظاہر ہے وزیراعظم کا پانامہ سے کوئی تعلق نہیں ہے۔ مسلم لیگ (ن) کے رہنما دانیال عزیز نے کہا ہے کہ عمران خان کو اینٹی کرپشن کی الف، ب کا بھی نہیں پتہ۔ انہوں نے کہا ہے کہ عمران خان جب گیند کے پیچھے بھاگ رہے تھے تو ہم اینٹی کرپشن کے ادارے بنا رہے تھے اورقانون پڑھ رہے تھے، عمران خان نے گیند کے پیچھے بھاگ کر عیش کی زندگی گزاری۔ ان کا نیب کے متعلق بیان بہت بڑا مذاق ہے۔ دانیال عزیز نے کہا ہے کہ مسلم لیگ ن کے کسی رہنما این آر او سے فائدہ حاصل نہیں کیا۔ بیوروکریٹس کا احتساب کیا جاتا ہے جبکہ سیاستدانوں کے لئے این آر او آ جاتا ہے۔ ملک میں احتساب کے کئی آزاد ادارے موجود ہیں اور ملک میں پارلیمانی جمہوری نظام اور اقتصادی ترقی کی کوشش کر رہے ہیں اور اب پاکستان میں سیاستدانوں کو برا بھلا کہنے کا دور ختم ہو چکا ہے۔ عمران خان پارلیمنٹ میں آئیں اور قانون سازی میں حصہ لیں۔