کراچی (ویب ڈیسک)کراچی پولیس میں موجود مزید دو کالی بھیڑیں پکڑی گئیں۔ منشیات فروشوں کو چھاپے سے پہلے پیسے لے کر اطلاع دینے والے دو اہلکار گرفتار کر لیے گئے ۔ قانون نافذ کرنے والے اداروں نے دونوں اہلکاروں کو پولیس اہلکاروں کے حوالہ کر دیا ۔ ملزم نے اعتراف جرم بھی کر لیا ہے ۔ ملزمان نے سینئر افسروں کو رشوت دینے کا اعتراف بھی کر لیا ہے ۔ قانون نافذ کرنے والے ادارے کے اہلکاروں نے پیر الہی بخش کالونی میں چھاپہ مارا اور دو پولیس اہلکاروں کو گرفتار کر لیا ۔ حراست میں لیے گئے پولیس اہلکاروں ذاکر اور یوسف نے دوران تفتیش منشیات فروشوں کے سہولت کار ہونے اور ان سے پیسے لیکر چھاپے کی پیشگی اطلاع دینے کا اعتراف کر لیا یہی نہیں زیر حراست اہلکاروں نے بتایا کہ بعض افسران بھی منشیات فروشوں سے رشوت پکڑتے ہیں پولیس ذرائع کے مطابق ملزمان کے خلاف محکمانہ کارروائی کی جائے گی اس سے قبل 9 دسمبر کو بھی سندھ پولیس میں کالی بھیڑ پکڑی گئی تھی ۔ ایڈیشنل آئی جی سی ٹی ڈی نے بتایا تھا کہ دہشت گردوں کو چھاپے کی اطلاع دینے والے اسپیشل برانچ کے لوکیٹر آپریٹر عرفان کو گرفتار کیا گےا تھا سی ٹی ڈی حکام کے مطابق سید عرفان فرقہ وارانہ وارداتوں میں ملوث ملزمان کو معلومات فراہم کرتا تھا ۔ اس نے دہشت گردوں کی گرفتاری کے لیے جانے والی ٹیم کی پیشگی اطلاع ملزمان کو دی تھی مخبری کا بروقت پتہ چلنے سے سی ٹی ڈی کراچی کے درجنوں افسران اور اہلکار بچ گئے تھے ۔