ممبئی (خصوصی رپورٹ)بھارت کی مودی سرکار نے ریاست آسام کے 20لاکھ سے زائد مسلمان شہریوں کو بنگلہ دیش دھکیلنے کی تیار کرلی۔ آسام ٹریبون کی رپورٹ کے مطابق مودی حکومت نے آسام کے لاکھوں مسلمانوں کو بنگلہ دیشی قرار دیکر انہیں ملک بدر کرنے کی تیاریاں شروع کردی۔ اس سلسلے میں وزارت داخلہ کی معاونت سے ”قارنرزٹریبونل“ نے کام شروع کردیا ہے۔ خصوصی ٹریبونل نے لاکھوں آسامی مسلمانوں کو بنگلہ دیشی قرار دیتے ہوئے اپنی بھارتی شہریت کے ثبوت پیش کرنے کے نوٹس جاری کرنا شروع کردئیے ہیں۔ نوٹس میں وارننگ دی گئی ہے کہ مذکورہ ثبوت پیش نہ کرنے والے مسلمانوں کو گرفتار کرکے بنگلہ دیشی سرحدوں کے پار دھکیل دیا جائے گا۔ انڈین ایکسپریس کے مطابق ایسا ہی ایک نوٹس بھارتی فوج کے سابق جونیئر کمیشنڈ افسر اجمل الحق کو بھی بھجوادیاگیا ہے۔ واضح رہے کہ 2012ءمیں بھی اجمل الحق کو ایسا ہی ایک نوٹس بھیجا گیا تھا جس میں ان کو ”مشتبہ ووٹر“ قرار دیاگیا تھا۔ تاہم ان کی جانب سے اتھارٹی کو جمع کرائی جانے والی سرکاری دستاویزات ملاحظہ کرنے کے بعد ان سے معافی طلب کی گئی تھی۔ لیکن حیرت انگیز طور پر پانچ سال بعد ان کو دوبارہ نوٹس بھیجا گیا ہے اور اس مرتبہ انہیں ”بنگلہ دیشی“ قرار دیاگیا ہے۔ ان پر الزام عائد کیا گیا ہے کہ وہ 1971ءمیں غیر قانونی طور پر بنگلہ دیش سے بھارت آئے تھے۔ دوسری جانب اجمل الحق نے پریس ٹرسٹ آف انڈیا سے گفتگو میں بتایا ہے کہ انہوں نے اس حوالے سے بھارتی وزیراعظم نریندرمودی اور صدر جمہوریہ کو احتجاجی مکتوب بھیجنے کا فیصلہ کیا ہے۔اجمل الحق نے میڈیا سے گفتگو میں بتایا ہے کہ ان کو ٹربیونل کی جانب سے ملے تحریری نوٹس میں 13اکتوبر 2017ءکو پیش ہونے کا حکم دیا گیا ہے۔ وہ ٹریبونل میں اپنے وکیل کے ساتھ پیش ضرور ہوں گے لیکن اپنی بھارتی شہریت کے حوالے سے کوئی ثبوت نہیں دیں گے۔ بلکہ الٹا ٹریبونل سے سوالات کریں گے ان کی ہمت کیسے ہوئی کہ دیش کی خدمت کرنے والے ایک سپاہی کو ”غیرملکی“ قرار دیا۔ ٹریبونل کو اس حوالے سے معافی طلب کرنی ہوگی، بصورت دیگر وہ عدالت کا رخ کریں گے۔ اجمل الحق نے شدید ناراضی کا اظہار کرتے ہوئے بتایا کہ انہوں نے تیس سال تک بھارتی مسلح افواج میں میکینکل انجینئر کی حیثیت سے خدمات سرانجام دی ہیں۔1971ءمیں انہیں بھرتی کیا تھا ایک سابق فوجی کو جس نے دوران ملازمت 3ایوارڈ اور حسن کارکردگی کی 12اسناد حاصل کیں، اسے اپنی شہریت کا ثبوت دینے کا حکم دینا کھلا تعصب ہے۔ اجمل الحق نے بتایا کہ وہ جلد ہی ٹریبونل میں جاکر ان کو سخت سست سنائیں گے اور اگر ان کا دماغ ٹھکانے نہیں آیا تو ان کو اعلیٰ عدالتوں میں گھسیٹیں گے۔ آسام ٹریبون نے بتایا ہے کہ حکومت نے لاکھوں مسلمانوں کے نام ووٹرز لسٹ سے بھی خارج کردئیے ہیں اور ان کو کہا گیا ہے کہ وہ بھارتی شہریت کا ثبوت لائیں۔ ایک اعلیٰ بھارتی افسر کے مطابق آسام کے مسلمانوں میں شہریت کے حوالے سے قائم کئے جانے والے ٹریبونل سے شدید خوف وہراس پھیلا ہوا ہے اور مسلم تنظیموں نے اس معاملے کو سیاسی سطح پر بھی اٹھایا ہے۔ لیکن ٹریبونل کی کارروائیاں رکنے کا نام نہیں لے رہی ہیں۔ کیونکہ اس کے پس پردہ مرکزی بھارتیہ جنتاپارٹی کی حکومت اور وزیرداخلہ راجناتھ سنگھ ہیں، جو مسلمانوں کے حوالے سے شدید سکیورٹی تحفظات رکھتے ہیں۔ انہی کے احکامات پر آسام میں مسلمانوں کے خلاف کریک ڈاﺅن شروع کیا گیا ہے۔

نئی دہلی (این این آئی) بے گناہ مسلمانوں کے قتل عام پر دنیا بھر سے لعن طعن کے بعد مودی کو ہوش آ ہی گیا۔ بھارت میں گائے کے تحفظ کے نام پر فساد کرنے والے ہندو انتہا پسندوں کے خلاف کارروائی کی ہدایت کرتے ہوئے کہاہے کہ گﺅ رکشا کی آڑ میں قانون کو ہاتھ میں لینا ناقابل قبول ہے۔بھارتی ٹی وی کے مطابق بھارتی وزیر اعظم نے مون سون سیشن میں بات کرتے ہوئے گﺅ رکشکوں کو وارننگ دی کہ کوئی بھی قانون کو اپنے ہاتھ میں نہ لے۔ نریندر مودی نے بھارت بھر کی ریاستوں کو گائے کے تحفظ کے نام پر تشدد کرنے والوں کے خلاف سخت کارروائی کی ہدایت کردی۔ بھارتی وزیر اعظم نے کہا کہ ملک میں گائے کی تحفظ کا قانون موجود ہے۔ گﺅ رکشا کی آڑ میں جرم ناقابل قبول ہے۔ ان کا کہنا تھا کہ گائے تحفظ کے نام پر ہونے والے تشدد کو سیاسی اور مذہبی رنگ دیا جانا غلط ہے۔

نئی دہلی(ویب ڈیسک) بھارتی حکومت نے 10 نئے ایٹمی بجلی گھر تعمیر کرنے کی منظوری دے دی ہے جن کی مجموعی پیداواری صلاحیت تقریباً 7000 میگاواٹ ہوگی لیکن کوئی نہیں جانتا کہ یہ ایٹمی بجلی گھر کب اور کہاں بنائے جائیں گے۔ہندوستان کے وزیر برائے توانائی پیوش گوئل کا کہنا ہے کہ ان منصوبوں سے بھارت میں 70,000 کروڑ روپے کے کاروباری مواقع پیدا ہوں گے جبکہ 33 ہزار نئی ملازمتیں وجود میں آئیں گی۔مجوزہ تمام ایٹمی بجلی گھر ”پریشرائزڈ ہیوی واٹر ری ایکٹرز“ (پی ایچ ڈبلیو آر) قسم کے ہوں گے اور اس طرح کے ایٹمی ری ایکٹروں میں شدید دباو¿ پر رکھے گئے ”بھاری پانی“ کو بطور ماڈریٹر استعمال کیا جاتا ہے۔ان ایٹمی بجلی گھروں پر کب کام شروع ہوگا، یہ کن علاقوں میں تعمیر کیے جائیں گے اور یہ کب مکمل ہوں گے، اس بارے میں پیوش گوئل نے میڈیا کو کچھ نہیں بتایا جس سے ظاہر ہوتا ہے کہ شاید اس اعلان کا مقصد صرف میڈیا کی توجہ حاصل کرنا ہے۔ایٹمی بجلی گھر بنانے کا یہ اعلان اس وجہ سے بھی مودی سرکار کی پروپیگنڈا مہم کا حصہ لگتا ہے کیونکہ اس وقت بھارت اپنی توانائی کا صرف 2 فیصد حصہ 22 ایٹمی بجلی گھروں سے حاصل کررہا ہے جو مجموعی طور پر 6 ہزار 780 میگاواٹ بجلی بنارہے ہیں جبکہ مزید 6 ہزار 700 میگاواٹ کی پیداواری صلاحیتوں والے ایٹمی بجلی گھروں کے منصوبوں پر کام جاری ہے۔غیر ملکی اداروں سے مذاکرات میں ناکامی کے بعد بھارتی حکومت نے فیصلہ کیا ہے کہ اب وہ اپنے مقامی ایٹمی بجلی گھروں کے پروگرام کو تیزی سے آگے بڑھائے گی اور 2032 تک ایٹمی بجلی گھروں سے 63 ہزار میگاواٹ بجلی بنائی جائے گی۔ علاوہ ازیں 2050 تک بھارت کا ہدف اپنی توانائی کی 25 فیصد ضروریات ایٹمی بجلی گھروں سے پوری کرنے کا بھی ہے۔بڑے پیمانے پر بجلی بنانے کےلیے کوئلہ جلا کر آلودگی پھیلانے والے سینکڑوں بجلی گھر آج تک بھارت میں بجلی کی ضرورت کا سب سے بڑا حصہ پورا کررہے ہیں لیکن اندرونی اور بیرونی تنقید کی بناءپر بھارتی حکومت قابلِ تجدید توانائی کو تیزی سے فروغ دینے پر مجبور ہے۔

نئی دہلی (خصوصی رپورٹ )بھارتی ریاست اترپردیش میں بھارتیہ جنتا پارٹی (بی جے پی) کی حکومت نے جمعة الوداع اور عید میلادالنبی سمیت سالانہ 15 عام تعطیلات کو ختم کرنے کا اعلان کردیا۔وزیر اعلیٰ اترپردیش یوگی آدتیہ ناتھ کے دفتر کی جانب سے کی گئی ٹوئٹس کے مطابق ’سالانہ تعطیلات میں سے 15 ختم کرنے کی تجویز دی گئی تھی جسے منظور کرلیا گیا، جبکہ ریاستی حکومت کا یہ فیصلہ 2017 سے ہی نافذالعمل ہوگا۔ منسوخ کی جانے والی عام تعطیلات میں جمة الوداع، عید میلادالنبی اور مہارشی بالمیکی جینتی جیسی اہم تعطیلات بھی شامل ہیں۔اس کے علاوہ خواجہ معین الدین چشتی، چندر شیکھر، پرشورام، سردار ولبھ بھائی پٹیل اور چودھری چرن سنگھ کی یوم پیدائش پر ہونے والی تعطیلات کو بھی ختم کیا جا رہا ہے۔وزیر اعلیٰ کے دفتر کی طرف سے ٹوئٹس کے ذریعے مزید کہا گیا کہ عظیم شخصیتوں کے یوم پیدائش کے موقع پر ریاست کے تمام تعلیمی اداروں میں ان کی شخصیت، ارناموں اور تحریک دینے والی تعلیمات کو موجودہ نوجوان نسل تک پہنچانے کے مقصد سے کم از کم ایک گھنٹے کی نشست منعقد کی جائے گی۔‘واضح رہے کہ جن تعطیلات کو یوگی آدتیہ ناتھ حکومت نے رد کیا ہے ان میں سے زیادہ تر تعطیلات کو سابقہ اکھلیش یادو حکومت نے متعارف کرایا تھا۔اس وقت اتر پردیش میں 42 سرکاری چھٹیاں ہیں جن میں سے 17 عظیم شخصیتوں کے اعزاز میں ہوتی ہیں۔

نئی دہلی (ویب ڈیسک )بھارتی وزیر اعظم نے سابق پروٹیز کرکٹر جونٹی رہوڈز کی بیٹی کوانوکھے انداز میں سالگرہ کی مبارکباد دیدی۔ کرکٹ کو فیلڈنگ کی نئی جہتوں سے متعارف کروانے والے جونٹی رہوڈز نے اپنی بیٹی کا نام ”انڈیا “رکھا ہے جو گزشتہ روز دو سال کی ہو گئی اور جونٹی نے ٹوئٹر پراسکی دوسری سالگرہ کے موقع پر پدرانہ شفقت سے بھرا پیغام جاری کیا۔اس موقع پر بھارتی وزیر اعظم نریندر مودی نے اپنے ٹوئٹر پیغام میں کہا ”انڈیا“کو ”انڈیا“کی طرف سے سالگرہ مبارک ہو۔جونٹی نے پیغام پر مودی کا شکریہ ادا کیا ہے۔