لاہور (خصوصی رپورٹ)سابق آئی جی پنجاب اور شریف خاندان کے قریبی ساتھی مشتاق سکھیرا کے وفاقی ٹیکس محتسب کے چیئرمین کا چارج سنبھالتے ہی عوامی مرکز میں آتشزدگی سے اربوں کے ٹیکس کیسز کی اہم فائلیں جل کر راکھ ہوگئیں، جس سے اہم عمارت کی آتشزدگی سے کئی سوالات پیدا کر دئیے ہیں۔ اس عمارت میں موجود سی پیک کے دفتر میں مختلف منصوبوں کے بارے میں اہم دستاویزات موجود تھیں جنہیں نقصان پہنچنے کی اطلاعات ہیں۔ حالیہ دنوں میں ملتان میٹرومنصوبہ کا کیس منظرعام پر آنے اور نیب کے حرکت میں آنے سے سی پیک کے 50ارب روپے مالیت کے اہم منصوبوں کی کئی فائلیں بھی جلنے کی اطلاعات ہیں۔ ذرائع کے مطابق عوامی مرکز میں وزارت صنعت و پیداوار کے ادارے این پی او اور انجینئرنگ ڈپویلپمنٹ بورڈ مکمل طور پر جل گئے۔ انجینئرنگ ڈپویلپمنٹ بورڈ کی چینی پاور کمپنی کے کہنے پر غیر فعال کردیاگیا تھا، اس کے علاوہ یہاں کئی آئی ٹی کمپنیوں کے دفاتر بھی تھے۔ ذرائع کے مطابق اسلام آباد کے سرکاری دفاتر میں آگ ہمیشہ چھٹی یا اتوار کے روز لگانے کے کئی مقاصد ہوتے ہیں، اس کو صرف شارٹ سرکٹ کا نام دیکر بری الزمہ نہیں ہویا جاسکتا۔