لاہور(حسنین اخلاق)مسلم لیگ ن کا پانامہ لیکس جے آئی ٹی میں قطری سرمایہ کاری کے مکمل ثبوتوں کے ساتھ جانے کا فیصلہ،حسن نواز اور حسین نوازخود پیش ہوکر خاندان کی نمائندگی کریں گے۔آف شور کمپنی میں براہ راست نام نہ ہونے کے باعث وزیراعظم کو جوائنٹ انوسٹی گیشن ٹیم کی جانب سے طلب نہیں کیا جائے گا۔پاکستان تحریک انصاف اور عمران خان کے خلاف دورغ گوئی اور ہتک عزت کا دعویٰ بھی دائر کیا جائے،مقدمہ جیتنے یا کمیشن بننے کی صورت میں حکومت کو فائدہ ہوگا،قانونی ٹیم کا ن لیگ کو مشورہ۔تفصیلات کے مطابق پانامہ لیکس پر سپریم کورٹ کی جانب سے جے آئی ٹی تشکیل دئیے جانے کے بعدشریف خاندان کا اپنے کیس کو نئی ترتیب اور مکمل ثبوتوں کے ساتھ ازسرنو پیش کرنے کا فیصلہ کیا ہے جس میں مکمل” لین دین کے ثبوتوں“قطری سرمایہ کاری کے بھی نئے ثبوت دئیے جائیں گے جس میں کاروبار کے حوالے سے دونوں خاندانوں کے درمیان ہونے والی ”کارسپونڈنس “ شامل ہیں۔ن لیگی ذرائع نے یہ بھی بتایا کہ وزیراعظم پاکستان کے دونوں صاحبزادے حسن نواز ،حسین نواز یا کوئی ایک خود جوائنٹ انوسٹی گیشن ٹیم کے روبرو پیش ہوکر اپنے خاندان کی نمائندگی کریں گے جبکہ وزیراعظم کا نام پانامہ لیکس میں نہ ہونے کے باعث انہیں جے آئی ٹی میں طلب نہیں کیا جائیگا۔اسی طرح کیپٹن(ر) صفدر ،مریم نواز اور اسحاق ڈار کو صرف ضرورت پڑنے پر جے آئی ٹی میں بھیجا جائے گا ورنہ ان کی قانونی ٹیم ہی انکی جانب سے جوائنٹ انوسٹی گیشن ٹیم کے ساتھ کارسپونڈنس کرے گی۔وزیراعظم پاکستان کو ان کے قانونی ماہرین نے یہ مشورہ بھی دیا ہے کہ عمران خان کے خلاف دروغ گوئی اور ہتک عزت کے الزامات کے تحت عدالت سے رجوع کیا جائے جس میں انکی 2014ءسے 2017ءتک کے دوران کی گئی تقاریر اور پریس کانفرنسوںکو بطور ثبوت پیش کیا جائے گا اور اگر اس پر عدالت انکے خلاف فیصلہ دیتی ہے تو وہ آئین کے آرٹیکل 62اور63 کی براہ راست زد میں آکر ازخود نااہل ہوجائیں گے جبکہ اس امید کا اظہار بھی کیا جارہا ہے کہ اگر عدالت اس پر کوئی کمیشن بھی تشکیل دےدے تو بھی مسلم لیگ ن کو سیاسی فائدہ ہوگا۔

اسلام آباد (این این آئی) مسلم لیگ (ن) نے واضح کیا ہے کہ احتجاج کے نام پر حکومت کو لاک اپ نہیں کیا جاسکتا، پانا ما لیکس میں ٹیکس چوری کے بارے میں ایک لفظ بھی نہیں لکھا ¾ عمران خان بتائیں کونسے بلین روپے پکڑے گئے ہیں؟ عمران خان نے شوکت خانم کے چندے کو برٹش ورجن آئی لینڈ میںانویسٹ کیا، کینسر کے علاج کے جمع پیسوں سے آف شور کمپنیاں بنائیں ¾بھارتیوں نے عمران خان کے ڈوبے ہوئے پیسے بھرے تھے، عمران خان کنٹینر سے اتر کر سب باتوں کا جواب دیں ¾ 2 نومبر کی تاریخ بھی الیکشن کمیشن میں پیشی سے بچنے کےلئے رکھی گئی ¾عوام پی ٹی آئی کے جھانسے میں نہیں آئینگے ¾ سپریم کورٹ میں (آج )جمعرات کو سماعت ہے ¾عمران خان کو بھاگنے نہیں دینگے ۔ ان خیالات کا اظہار وزیرمملکت محمد زبیر اور دانیال عزیز نے میڈیا کو بریفنگ دیتے ہوئے کیا ۔ پاکستان مسلم لیگ (ن) کے رہنماءمحمد زبیر نے کہا کہ ا حتجاج کے نام پر حکومت کو لاک اپ نہیں کیا جا سکتا ¾عمران خان اداروں کی تضحیک کرتے ہیں،وہ قوم کو بیوقوف بنا رہے ہیں۔محمد زبیر نے کہاکہ حکومتی دفاتر بند کرنا کسی آئین میں نہیں لکھا ¾1947سے آج تک حکومتی دفاتر بند کرنے کی کوئی مثال نہیں ملتی ہم نے 126دن کے دھرنے میں بھی کچھ نہیں کیا ¾ عمران خان اسلام آباد بند کرنے کو جمہوریت کہتے ہیں ¾ عمران خان نے 2نومبر کو اسلام آباد بند کرنے کا اعلان کیا ہے وہ کہتے ہیں کہ پاناما معاملے پر حکومت کا ردعمل مثبت نہیں ہے۔انہوں نے کہا کہ حکومت نے پاناما لیکس کے معاملے پر سپریم کورٹ کو خط بھی لکھا ، تمام اقدامات بھی اٹھائے اورعمران خان کو تحقیقات کےلئے مرضی کے افسرکی پیشکش بھی دی تھی ¾ایف بی آر اور متعلقہ محکموں کو بھی خط کھے گئے تھے۔انہوںنے کہاکہ عمران خان یہ بھی بتائیں کہ کونسے بلین روپے پکڑے گئے ہیں، پاناما لیکس میں ٹیکس چوری کے بارے میں ایک لفظ بھی نہیں لکھا۔پاکستان مسلم لیگ (ن) کے رہنماءدانیال عزیز نے کہا کہ عمران خان کا دوہرا معیار قوم کے سامنے آچکا ہے ¾وہ دوبارہ سے 35پنکچر والا بیوقوف بنانے کی کوشش کر رہے ہیں،عمران خان صاحب کنٹینر سے اتریں اور جواب دینے آئیں۔انہوںنے کہاکہ عمران خان نے شوکت خانم کے چندے کو برٹش ورجن آئی لینڈ میںانویسٹ کیاہے،کینسر کے علاج کے جمع پیسوں سے آف شور کمپنیاں بنائی گئیں ¾پاناما میں وزیر اعظم کے خلاف کوئی ثبوت موجود نہیں لیکن آپ کے خلاف پکے ثبوت موجود ہیں۔2015کی شوکت خانم کی آڈٹ رپورٹ سامنے آچکی ہے،بھارتیوں نے عمران خان کے ڈوبے ہوئے پیسے بھرے تھے۔