اسلام آباد(ویب ڈیسک)نیپرا نے جون کے فیول ایڈجسٹمنٹ کی مد میں بجلی کی فی یونٹ 2 روپے 11 پیسے کمی کی منظوری دے دی ہے۔ چئیرمین نیپرا طارق ستوزئی کی سربراہی میں نیپرا میں بجلی کے ٹیرف میں ردو بدل کی سماعت ہوئی۔ سینٹرل پاور پرچیزنگ ایجنسی (سی پی پی اے) نے بجلی کی قیمت میں 2 روپے 13 پیسے فی یونٹ کمی کی درخواست کی۔ درخواست میں مو¿قف اپنایا گیا کہ جون میں کل 11 ارب 46 کروڑ یونٹ بجلی بنائی گئی اور تقسیم کار کمپنیوں کو 11 ارب 21 کروڑ یونٹ بجلی 52 ارب 62 کروڑ روپے فروخت کی گئی۔ درخواست میں بتایا گیا کہ فی یونٹ بجلی پر فیول لاگت کا تخمینہ 6 روپے 82 پیسے تھا جب کہ فی یونٹ فیول لاگت تخمینے کے مقابلے میں 4 روپے 69 پیسے رہی لہذاٰ جون کے فیول ایڈجسمنٹ کی مد میں فی یونٹ بجلی کے نرخوں میں 2 روپے 13 پیسے کئے جائیں۔نیپرا نے (سی پی پی اے) کی درخواست پر عوامی سماعت کے بعد فیصلہ دیتے ہوئے بجلی کی قیمتوں میں کمی کی منظوری دے دی۔ قیمتوں کی کمی سے صارفین کو 25 ارب روپے کا ریلیف ملے گا تاہم نرخوں میں اس کمی کا اطلاق کے الیکٹرک، لائف لائن اور زرعی صارفین پر نہیں ہوگا۔ اور300 یونٹ سے کم بجلی استعمال کرنے والے صارفین اس کمی سے مستفید نہیں ہوں گے۔

اسلام آباد(ویب ڈیسک )مہنگی بجلی کے ستائے عوام کیلئے اچھی خبر ہے کہ بجلی کی قیمتوں میں دو روپے انسٹھ پیسے فی یونٹ کمی کا امکان ہے۔ نیپرا بجلی کی قیمتوں سے متعلق سماعت چوبیس نومبر کو کرے گا۔تفصیلات کے مطابق سینٹرل پاور پرچیزنگ ایجنسی نے اپنی درخواست میں موقف اختیار کیا ہے کہ گزشتہ ماہ بجلی کی تقسیم کار کمپنیوں نے تیل کی لاگت کی مد میں صارفین سے 22 ارب روپے اضافی وصول کیے۔ اکتوبر میں 8 ارب 49کروڑ یونٹ بجلی پیدا کی جس کی لاگت 40 ارب 27 کروڑ روپے رہی۔بجلی سستی پیدا ہونے کے باعث قیمتوں میں 2 روپے 59 پیسے فی یونٹ کمی کی جائے۔ نیپرا نے سی پی پی اے کی درخواست منظور کر لی جس پر 24 نومبر کو سماعت کی جائے گی۔