راولپنڈی: (ویب ڈیسک) پاک بحریہ کے سربراہ ایڈمرل ذکاءاللہ نے صحافیوں سے غیر رسمی گفتگو میں کہا کہ دشمن کی ہر نقل و حرکت پر نظر ہے۔ دنیا نے دیکھا بحریہ نے کس مستعدی سے بھارتی آبدوز کو بھگایا۔ ملکی بحری سرحدوں کا دفاع مقدس فریضہ ہے۔ جان دے دیں گے لیکن پاکستان پر آنچ نہیں آنے دیں گے۔ انہوں نے مزید کہا پاک بحریہ کی آپریشنل تیاریاں انتہائی اطمینان بخش ہیں اور نیوی کسی بھی چیلنج سے نمٹنے کیلئے تیار ہے۔ گوادر اور سی پیک کا تحفظ اولین ترجیح ہے۔ قوم کے تعاون سے ہر چیلنج کا مقابلہ کرتے رہیں گے۔