سرگودھا(ویب ڈیسک)سجادہ نشین سیال شریف خواجہ حمید الدین سیالوی نے کہا ہے کہ وزیر اعلیٰ پنجاب کی آمد پر ان کی مشروط حمایت کی تھی لیکن افسوس ہے کہ 10روز گزر جانے کے باوجود رانا ثا اللہ کے استعفیٰ کے مسئلے پر بنائی گئی کمیٹی کا اجلاس نہیں بلایا گیا۔سیال شریف میں صحافیوں سے بات چیت کرتے ہوئے خواجہ حمیدالدین سیالوی نے کہا کہ وزیر اعلیٰ پنجاب کیساتھ کوئی خفیہ ڈیل نہیں کی تھی۔ختم نبوت کے مسئلے پر مشروط حمایت کی تھی لیکن افسوس کہ اس مسئلے پر حکومتی سطح پر ہمارے ساتھ کوئی رابطہ نہیں کیا گیا۔انہوں نے کہا کہ دنیا کا کوئی خزانہ مجھے نہیں خرید سکتا۔ پنجاب کے مختلف شہروں میں ختم نبوت کانفرنسوں کا اعلان کردیا گیا ہے اور پہلی ختم نبوت کا نفرنس 5فروری کا جھنگ میں ہوگی۔اس موقع پر حمید الدین سیالوی کے صاحبزادے قاسم سیالوی نے کہا کہ کسی کو استعفیٰ دینے پر مجبور نہیں کیا تھا اور نا ہی کسی کو استعفیٰ واپس لینے کا کہا ہے۔ حکومت نے ختم نبوت پر غیر سنجیدہ رویہ اختیار کیا تو ہمارے راستے جدا ہوں گے۔