راولپنڈی(ویب ڈیسک) باپ کی میت اسپتال سے لینے کے لیے جانے والا نوجوان ڈھوک سیداں کے قریب ٹریف حادثے کا شکار ہوکر جاں بحق ہوگیا۔ راولپنڈی میں باپ کی میت وصول کرنے کے لئے اسپتال جانے والا شخص خود موت کا شکار ہوگیا۔ پولیس کے مطابق شکیل نامی شخص کا باپ سی ایم ایچ راوالپنڈی میں زیرعلاج تھا اور دوران ہی اس کی موت واقع ہوگئی، باپ کی موت کی خبر ملتے ہی شکیل موٹر سائیکل پر اسپتال روانہ ہوا تاہم ڈھوک سیداں روڈ پر دوسری سمت سے آنے والی گاڑی نے شکیل کو کچل ڈالا۔ شکیل کو قریبی اسپتال منتقل کیا گیا تاہم زخموں کی تاب نہ لاتے ہوئے وہ جان کی بازی ہار گیا۔

کراچی(ویب ڈیسک) اسحاق بوبی اور عاصم کیپری کو سی ٹی ڈی پولیس نے کراچی کی مختلف عدالتوں میں پیش کیا جہاں ملزموں نے عدالت کے روبرو اپنے جرائم کا اعتراف کیا۔ دونوں ملزمان نے 13 مختلف مقدمات میں اقبال جرم کیا جن میں تبت سینٹر اور پارکنگ پلازہ کے سامنے فوجی جوانوں کا قتل بھی شامل ہے۔ ملزمان نے اعتراف کیا ہے کہ انہوں نے ائر پورٹ کیس میں ساتھیوں کی گرفتاری کے بدلے میں فوجیوں کو قتل کیا۔ ملزمان کا کہنا تھا کہ ساتھیوں کو مقابلوں میں مار دیا جاتا ہے جبکہ مخالفین کے ساتھ نرمی برتی جاتی ہے۔