لاس اینجلس (شوبز ڈیسک) ہالی وڈ کی اے لسٹ اداکارہ سکارلٹ جوہانسن نے کہا ہے کہ نوجوان لڑکیاں اپنی زندگی میں خطرات مول لینے کا حوصلہ پیدا کریں، سکارلٹ جوہانسن نے ایک تقریب میں بات چیت کرتے ہوئے کہا ہے کہ وہ اس بات کو اچھی طرح جانتی ہیں کہ عورتوں کو زندگی کے ہر شعبے بے حد دباﺅ کا سامنا ہوتا ہے لیکن ایسے میں نوجوان لڑکیوں کو رسک لینے سے نہیں بچنا چاہیے۔انھوں نے لڑکیوں کو نصیحت کرتے ہوئے کہا کہ خطرہ مول لو اور ناکامی سے مت ڈرو کیونکہ کسی بھی چیز کی اوپر والی سطح کامیابی ہے،انھوں نے کہا کہ میں نے اپنا کیریئر کئی مرتبہ رسک لے کر آگے بڑھایا اور اس حوصلے کی وجہ سے مجھے آخر میں کامیابی ملی۔فلم”لوسی“کے بعد سکارلٹ فلم”راک دی باڈی“میں نظر آئیں گی۔