لاہور(ویب ڈیسک) اپوزیشن نے سینیٹ انتخابات میں حکومت پر دھاندلی کا الزام لگا دیا۔ تحریک انصاف نے پولنگ روک کر بیلیٹ باکس چیک کرنے کا مطالبہ کر دیا۔پی ٹی آئی رکن پنجاب اسمبلی شعیب صدیقی نے الزام عائد کیا کہ رانا ثناء اللہ کی قیادت میں حکومتی ارکان نے پولنگ بوتھ پر ہلا بولا ، ارکان اسمبلی بیلیٹ پیپر باہر لے کر گئے ، پورا یقین ہے کہ ارکان بیلیٹ باکس میں خالی پرچیاں ڈال کر ووٹ کی پرچی باہر لے کر جا رہے ہیں۔ انہوں نے کہا ہم نے پرزائیڈنگ افسر کو اپنا احتجاج رکارڈ کروایا لیکن پرزائیڈنگ افسر نے ہماری شکایت پر کان نہین دھرا ,شعیب صدیقی نے کہا پرزائیڈنگ افسر کو ووٹنگ رکوا کر بیلیٹ باکس کھلوانے کی تحریری درخواست دی ہے جس میں کہا گیا ہے کہ اگر بیلیٹ باکس میں سے خالی پرچیاں نکلیں تو انتخاب کالعدم قرار دیا جائے ، ایک ایم پی اے کو بیلیٹ باکس میں خالی کاغذ ڈالتے دیکھا ہے، ووٹ کا تقدس پامال کیا جا رہا یے۔

اسلام آباد (ویب ڈیسک)قومی اسمبلی کے بعد سینیٹ نے بھی انتخابات ایکٹ ترمیمی بل 2017 اتفاق رائے سے منظور کرلیا۔دوسری جانب ارکان کی تعداد پوری نہ ہونے کے باعث نئی حلقہ بندیوں سے متعلق آئینی ترمیمی بل پیش نہیں کیا جاسکا۔چیئرمین سینیٹ رضا ربانی کی زیر صدارت ہونے والے اجلاس کے دوران وزیر قانون زاہد حامد نے انتخابات ترمیمی بل 2017 منظوری کے لیے پیش کیا جسے اتفاق رائے سے منظور کرلیا گیا۔

اسلام آباد (ویب ڈیسک) سینیٹ کے اجلاس میں ترمیمی الیکشن بل 2017ء مختصر غور کے بعد متفقہ طور پر منظور ہو گیا۔ بل پیش کرنے کے دوران اپوزیشن ایوان سے غیرحاضر تھی جس پر چیئرمین سینیٹ رضا ربانی نے استفسار کیا کہ اپوزیشن کہاں ہے؟سینیٹ کے اجلاس سے خطاب کرتے ہوئے وزیر قانون زاہد حامد نے کہا کہ ختم نبوت کے اقرار نامہ پر غلط اثرانداز ہونے کا سوچ بھی نہیں سکتا، بل میں ختم نبوت سے متعلق حلف نامے کی اصل شکل بحال کر دی گئی ہے۔سینیٹر کامل علی آغا بولے، اتنا بڑا جرم ہوا؟ جب تک تعین نہیں ہوتا معاملہ حل نہیں ہو گا، اتنے بڑے جرم پر صرف کمیٹی تشکیل دی گئی ہے۔ مسلم لیگ ق کے سینیٹر کامل علی آغا نے کمیشن بنانے کا مطالبہ کر دیا۔سینیٹر سراج الحق بولے، حکومت کے ترمیمی بل کو سپورٹ کرتے ہیں، حکومت نے اپنی غلطی تسلیم کی ہے، تاہم معاملے کی تحقیقات ضرور کرائی جائیں۔