لاہور(کلچرل رپورٹر)بھارتی فلموں کے امپورٹرز وفاقی سیکرٹری کامرس سے ملاقات کی کوششوں میں مصروف ہیں جس میں انہیں تاحال کامیابی نہیں ملی ۔ذرائع نے بتایا ہے کہ بھارتی فلموں پر سرکاری طور پر غیراعلانیہ پابندی کے باعث امپورٹرز پریشانی کا شکار ہیں اور ان کے سرپر خوف کی تلوار لٹک رہی ہے کہ کہیں وزارت کامرس کی طرف سے ملنے والے این او سی منسوخ نہ کردیئے جائیں جس کے لئے چندافراد پر مشتمل وفد گزشتہ ہفتے اسلام آباد گیا تھا تاہم بعض وجوہات کی بنا پر یہ ملاقات ملتوی کردی گئی۔ذرائع نے بتایا ہے کہ ہے اب یہ ملاقات دوروزبعدہوگی۔