آستانہ (خصوصی رپورٹ)اسلامی تعاون تنظیم (او آئی سی) نے میانمار کی حکومت سے مطالبہ کیاہے کہ اقوام متحدہ کی انسانی حقوق کی کو نسل کے حقائق مشن کو انسانی حقوق کی مبینہ خلاف ورزیوں کی تحقیقات کرنے کی اجازت دے تاکہ ذمہ دار عناصر کو کٹہرے میں لایا جاسکے۔ قازقستان کے دارالحکومت آستانہ میں سائنس اور ٹیکنالوجی کے بارے میں سربراہ اجلاس کے موقع پر اعلامیہ میں اسلامی تعاون تنظیم نے روہنگیا مسلمانوں پر جبر وتشدد پر میانمار کی حکومت کی مذمت بھی کی۔ اجلاس میں سکیورٹی فورسز کی طرف سے ایک سازش کے تحت ظالمانہ کارروائیوں کے نتیجے میں تقریباً تین لاکھ مسلمانوں کے گھروں اور عبادت گاہوں کو جلانے اور ان کی بنگلہ دیش نقل مکانی پر گہری تشویش کا اظہار بھی کیا گیا۔ اسلامی تعاون تنظیم نے میانمار کی حکومت سے کہاکہ وہ 1982ءکے شہریت ایکٹ پر عملدرآمد کرے اور ان وجوہات کا سدباب کرے جن کی وجہ سے لاقانونیت پیدا ہوئی اور روہنگیا مسلمان حقوق سے محروم ہوئے ہیں۔ اسلامی تعاون تنظیم نے میانمار کی حکومت پر زور دیا کہ وہ ملک میں اور بیرون ملک روہنگیا مسلمانوں کی پرامن گھروں کو واپسی کیلئے فوری اقدامات کرے، سربراہی اجلاس میں سائنس و ٹیکنالوجی کے میدان مشترکہ تحقیقی منصوبے شروع کرنے، سائنس و ٹیکنالوجی کے شعبے میں اجتماعی صلاحیتوں اور تعلیمی بجٹ میں اضافے اور غربت کے خاتمے کے لیے تعاون پر اتفاق کیا۔ صدر مملکت ممنون حسین نے اسلامی تعاون تنظیم (او آئی سی) سربراہی کانفرنس سے خطاب میں مسلم امہ پر نئے دور کے چیلنجز سے نمٹنے کے لیے سائنس اور ٹیکنالوجی کے میدان میں مل کر کوششیں کرنے کی ضرورت پر زور دیا۔ صدر مملکت نے کہا کہ محفوظ مستقبل کے لیے امت مسلمہ کا اتحاد انتہائی ضروری ہے۔ صدر پاکستان نے مسلم امہ پر زرعی پیداوار میں بہتری اور زرعی ٹیکنالوجی میں ترقی کی ضرورت پر بھی زور دیا۔ ممنون حسین کا کہنا تھا کہ بحیثیت مسلم برادری ہم کئی دہائیوں سے تعلیم کے شعبے پر توجہ دینے میں ناکام رہے ہیں، لہٰذا مسلمانوں کو تعلیمی میدان میں اپنے سنہری دور کو واپس لانے کے لیے مسلمانوں کو سیاسی اور سماجی و اقتصادی محاذ پر خود کفیل ہونا ہوگا۔ ترک صدر رجب طیب اردگان نے کانفرنس سے خطاب کرتے ہوئے کہا کہ مسلم امہ میں اتحاد اور سالمیت کی ضرورت ہے جبکہ پوری دنیا کے مسلم ممالک کو میانمار میں روہنگیا مسلمانوں کے خلاف جاری تشدد کو روکنے کے لیے مل کر کام کرنا ہوگا۔ کانفرنس میں دنیا بھر کے 20 مسلم ممالک کے سربراہان مملکت شریک ہوئے۔

انقرہ(این این آئی) ترک صدر رجب طیب اردوان نے کہا ہے کہ استنبول اور انقرہ کی سڑکوں پر عوام نے باوردی دہشت گردوں کو شکست دی۔غداروں کے سر قلم کردیں گے، پارلیمنٹ نے منظوری دی تو سزائے موت بحال کردوں گا، باوردی دہشتگردوں کو نشان عبرت بنادیں گے،کہ بغاوت کی شب مزاحمت کے دوران ہمارے شہریوں کے ہاتھوں میں بندوقیں نہیں وطن کا پرچم تھا، سب سے بڑھ کر یہ کہ انہیں خود پر یقین تھا، ناکام سازش نے ترکی کومضبوط اور قوم کوایک کردیا، عوام نے اپنی آزادی کیلئے قیمتی جانوں کانذرانہ دیا۔غیرملکی باسفورس پل پرجلسے سے خطاب کرتے ہوئے ترک صدراردوان نے کہا کہ غداروں کے سر قلم کردیں گے، پارلیمنٹ نے منظوری دی تو سزائے موت بحال کردوں گا، باوردی دہشتگردوں کو نشان عبرت بنادیں گے۔ انہوں نے کہا کہ بغاوت کی سازش کرنے والوں کو گوانتامو کے قیدیوں جیسا لباس پہنانا اور سزائے موت دینی چاہیے، باغی عناصر باز نہیں آئے اور اب بھی حکومت کا تختہ الٹنے کا سوچتے رہتے ہیں، یہ آخری فوجی بغاوت نہ تھی اور ہم جانتے ہیں کہ اب بھی کون کون حکومت کے خلاف دل میں ارمان رکھتا ہے۔رجب طیب اردوان نے مغربی ممالک پر منافقت کا الزام عائد کرتے ہوئے کہا کہ انہوں نے ترکی کی دوستی کو دھوکا دیا اور انتظار کرتے رہے کہ بغاوت کا کیا نتیجہ نکلتا ہے، کچھ ممالک نے تو بغاوت کے اصل محرک فتح اللہ گولن کے ساتھیوں کو پناہ تک دی۔رجب طیب اردوان کا کہنا تھا کہ بغاوت کی شب مزاحمت کے دوران ہمارے شہریوں کے ہاتھوں میں بندوقیں نہیں وطن کا پرچم تھا، سب سے بڑھ کر یہ کہ انہیں خود پر یقین تھا، ناکام سازش نے ترکی کومضبوط اور قوم کوایک کردیا، عوام نے اپنی آزادی کیلئے قیمتی جانوں کانذرانہ دیا۔ترک صدر نے کہا کہ ہم نے اپنی آزادی اورمستقبل کاتحفظ کیا، باسفورس پل پر 36 ترک شہریوں نے اپنی جان پیش کرکے بغاوت کو ناکام بنایا، باوردی دہشتگردوں نےترک اداروں اور شہروں پر قبضہ کرنے کی کوشش کی لیکن انہیں استنبول اور انقرہ کی سڑکوں پر عوام سے شکست کھانی پڑی، مجھے اپنی قوم پر فخرہے، ہم ملک پر قبضہ کرنے کو ناپسند کرتے ہیں اور وطن کے دفاع میں ایک ساتھ ہیں۔دوسری جانب ترکی میں ناکام فوجی بغاوت کا ایک سال پورا ہونے پرملک بھرمیں لاکھوں افراد سڑکوں پر نکل ا?ئے، انہوں نے جشن منایا اور تقریبات منعقد کیں۔ اردوان حکومت نے پولیس اہلکاروں، سرکاری ملازمین اور اساتذہ سمیت مزید 7 ہزار سے زائد افراد کو بھی برطرف کردیا جن پرحکومت کے مخالف ہونے کا شبہ ہے۔واضح رہے کہ گزشتہ برس اس ناکام فوجی بغاوت میں کم از کم 250 افراد ہلاک اوردو ہزار سے زائد زخمی ہوئے تھے۔

اسلام آباد (ویب ڈیسک) ترک صدر طیب رجب طیب اردگان نے آئی سی سی چیمپئنز ٹرافی میں بھارت کے خلاف فائنل میں پاکستانی ٹیم کامیابی پر پاکستان ٹیم اور قوم کو مبارکباد دی ہے۔ ترک صدر نے وزیر اعظم میاں نواز شریف کو قومی ٹیم کی جیت پر مبارکباد ۔