واہ کینٹ(ویب ڈیسک)عوامی مسلم لیگ کے سربراہ و سابق وفاقی وزیر شیخ رشید احمد نے کہا ہے کہ 15اپریل کو مسلم لیگ (ن) یا قانون کا جنازہ نکلے گا۔اپریل کا مہینہ سیاسی اعتبار سے نہایت ہی اہم ہے۔پانامہ پر مخالف فیصلہ آنے پر نواز شریف کے پاس وزیر اعظم رہنے کا اخلاقی جواز باقی نہیں رہتا۔ڈیل کے زریعے مادل ایان علی باہر گئی۔اور ڈیل کے زریعے ہی آصف علی زرداری اور شرجیل میمن پاکستان آئے ہیں۔ان خیا لات کا اظہار انھوں نے واہ کینٹ میں ایک تقریب سے خطاب کرتے ہوئے کیا۔شیخ رشید احمد نے کہا کہ ڈیل کے ھمام میں سارے ننگے ہیں اور بد قسمتی سے پاکستان کو لوٹنے والے اس قدر مضبوط ہیں کہ انھیں پوچھنے والا بھی کوئی نہیں ہے۔اس وقت پاکستان تاریخ کے اہم ترین دور سے گذر رہا ہے۔اور انشاءاللہ پاکستان آگے بڑھتا اور ترقی کرتا رہے گا۔

اسلام آباد (ویب ڈیسک) عوامی مسلم لیگ کے سربراہ شیخ رشید احمد نے کہا ہے کہ ملک کو سرحدوں کے باہر سے نہیں بلکہ اندر سے خطرہ ہے ۔ نواز شریف اور آصف علی زرداری دونوں ایک دوسرے کے لئے انشورنس پالیسیز ہیں ۔ دعا ہے کہ پانامہ کیس میں خون نہیں کرپشن کا تابوت نکلے ۔ ان خیالات کا اظہار عوامی مسلم لیگ کے سربراہ شیخ رشید نے وفاقی دارالحکومت میں پریس کانفرنس کے دوران کیا ۔انہوں نے کہاکہ پانامہ کیس کے اوپر پوری قوم کی نظریں فیصلے کی منتظر ہیں اور اس معاملے میں سپریم کورٹ کے پانچ ججز بہت عظیم ہیں ۔ دعا ہے کہ پانامہ میں کرپشن کا تابوت نکلے اور خون ریزی نہ ہو ۔ امید ہے کہ 23 مارچ کے بعد نئے پاکستان کا سورج طلوع ہو گا ۔شیخ رشید نے کہا کہ عوامی مسلم لیگ الیکشن اتحاد میں عمران خان کے ساتھ کھڑی ہے ۔ راولپنڈی میں حلقہ 54 ، 55 اور 56 کے علاوہ زیادہ نشستیں مانگیں گے ۔ شیخ رشید نے کہا کہ عمران خان سے میں نے راولپنڈی ڈسٹرکٹ سے 9 سیٹوں کی خواہش کا اظہار کیا ہے ۔اس کے علاوہ عمران خان کو مشورہ دیا ہے کہ وہ چھوٹی پارٹیوں کو بھی ساتھ لے کر چلیں ۔ مسلم لیگ ( ق) صدر چوہدری شجاعت ، طاہر القادری اور وحدت المسلمین سمیت چھ جماعتوں سے رابطے میں ہوں ۔شیخ رشید نے کہا کہ اگر وزیر اعظم کو میری لال حویلی اتنی ہی پسند ہے تو میں بھی انہیں لندن فلیٹ کی طرح لال حویلی گفٹ کر دیتا ہوں ۔ نندی پور پاور پراجیکٹ کا کچھ بھی نہیں بنا ۔ بسوں کو چلا کر عوام کو تماشا دکھایا جا رہا ہے ۔ 200 بسیں تو کوئی کمپنی بھی چلا سکتی ہے ایک سوال کے جواب میں شیخ رشید نے کہا کہ وزیر اعظم کے خلاف فیصلہ آیا تو قومی اسمبلی انتخابات بہت بڑا مسئلہ ہوں گے لیکن جلد انتخابات کی باتیں بہت تیزی سے گردش کر رہی ہیں ۔ انہوں نے کہا کہ عوامی مسلم لیگ وزیر اعظم کے امیدوار نہیں بلکہ غریبوں کو ساتھ لے کر چلنا چاہتے ہیں ۔

اسلام آباد (مانیٹرنگ ڈیسک) عوامی مسلم لیگ کے سربراہ شیخ رشید نے کہا کہ ملک میں جہاں پے در پے قطری خط آرہے ہیں وہیں عنقریب قطری واشنگ پاوڈر بھی آرہا ہے۔ قطری شہزادے نواز شریف کیلئے ایمرجنسی سروس 1122کی مانند ہیں جب ضرورت پڑتی ہے خط آنے لگ جاتے ہیں۔ نجی ٹی وی سے گفتگو کرتے ہوئے شیخ رشید کا وزیراعظم پر تنقید کرتے ہوئے کہنا تھا کہ جس طرح سے ملک میں شریف خاندان کی بد نامی اور وال چاکنگ کی جارہی ہے، نواز شریف کو چاہیے تھا کہ وہ خود بخود مستعفی ہوجاتے لیکن وہ تاحال اسی بات پر بضد ہیں کہ جائےداد قطری کی ہے، انہیں دیکھ کر افسوس ہوتا ہے، انہوں نے اپنے اقتدار کو بچایا عزت کو نہیں۔ انہوں نے کہا کہ مجھے لال حویلی سے بے دخل کرنے کی ہر ممکن کوشش کی جارہی ہے مگر میری لاش ہی لال حویلی سے باہر آئے گی زندہ نہیں نکلوں گا۔ حویلی میر ی اپنی ذاتی جائیداد ہے اور اس میں 9لوگوں کا حصہ بھی ہے۔ باری تو حکمرانوں کی آئے گی باہر بھاگنے کی جس کی انہوں نے تیاری بھی کر رکھی ہے، لوگوں نے باہر ملکوں میں سارے کپڑے پہلے ہی پہنچائے ہوئے ہیں فٹنگ کروا کر اس لئے کہ جب ہم بھاگیں تو وہاں ہماری چیزیں موجود ہوں۔ شیخ رشید نے کہا کہ ایوان کی ساری بیماری کی جڑ سپیکر ایاز صادق ہیں، شریف فیملی کی اصل منی ٹریل اسحاق ڈار کی بیان کردہ ہے۔ 164 کے تحت بیان پر بہت سے لوگوں کو پھانسی ہو چکی ہے اسحاق ڈار کیسے بیان سے پھر سکتے ہیں۔ نیب نے ان کےخلاف اپیل کیوں نہ کی۔ انہوں نے کہا کہ ہیلی کاپٹر کیس میں بھی قطری ہی انہیں بچانے آئے تھے۔ نواز شریف اور الثانی گروپ بزنس پارٹنر ہیں۔ انہوں نے کہا کہ قطر میں تعینات پاکستان کا سفیر نواز شریف کا ذاتی ملازم ہے۔ شریف فیملی نے اقتدار بچانے کےلئے عزت گنوا دی۔ انہوں نے کہا کہ آج حکومت 5مرلے کی لال حویلی سے خوفزدہ ہے۔ میں خودکش سیاستدان ہوں لال حویلی سے شیخ رشید کو زندہ نہیں نکالا جا سکتا اس کی لاش ہی نکلے گی۔ عوامی مسلم لیگ کے سربراہ شیخ رشید احمد نے کہا ہے کہ نواز شریف کو بچانے کیلئے جتنے خط قطریوں نے لکھے اتنے تو شہزادہ سلیم نے انارکلی کو بھی نہیں لکھے تھے، انہوں نے الزام عائد کیا کہ قطر میں پاکستانی سفیر نواز شریف کا ذاتی ملازم ہے جو ایل این جی معاہدے اور جعلی دستاویزات بنانے کیلئے بھیجا گیا۔ عوامی مسلم لیگ کے سربراہ شیخ رشید احمد نے سپریم کورٹ کے باہر میڈیا سے گفتگو کرتے ہوئے کہا کہ پاناما سکینڈل کے بعد نواز شریف کو بچانے کیلئے قطریوں کے لمبے لمبے خط آ رہے ہیں۔

اسلام آباد: عوامی مسلم لیگ کے سربراہ شیخ رشید کا کہنا ہے کہ اب تو بی بی سی نے بھی کہہ دیا ہے کہ لندن فلیٹ کی مالکہ مریم نواز ہے مجھے قوی امید ہے کہ سپریم کورٹ سے کرپشن کا تابوت ہی نکلے گا۔سپریم کورٹ کے باہر میڈیا سے بات کرتے ہوئے عوامی مسلم لیگ کے سربراہ شیخ رشید کا کہنا تھا کہ پاناما لیکس کے بعد اب تو برطانوی نشریاتی ادارے نے بھی کہہ دیا ہے کہ لندن فلیٹ مریم نواز کے ہیں لیکن حکومتی وکیل جائیداد کے مالک ہونے اور پیسے کے بیرون ملک بھیجنے کے ذرائع بتانے کے بجائے جائیداد ادھر سے ادھر ہونے کے بیانات دیتے ہیں۔شیخ رشید کا کہنا تھا کہ 85 کروڑ کے تحفے تو شہنشاہوں نے بھی نہیں دیئے، ملک کا مذاق اڑایا جارہا ہے، مجھے قومی امید ہے سپریم کورٹ سے کرپشن کا تابوت نکلے گا۔سابق وزیراطلاعات پرویز رشید کے حوالے سے شیخ رشید کا کہنا تھا کہ نیوزایجنسیوں کےذریعےجھوٹی خبرلگوائی گئی وزارت اطلاعات کی اس سے بڑی رسوائی آج تک نہیں دیکھی۔

سلام آباد(ویب ڈیسک)عوامی مسلم لیگ کے سربراہ شیخ رشید نے کہا ہے کہ نعیم بخاری پر تنقید نہیں کی میڈیا نے میرے نام سے بیان چلایاتھا، پانامہ کیس شیخ رشید،عمران خان یا سراج الحق کا نہیں 20 کروڑ عوام کا ہے۔سپریم کورٹ میں پانامہ کیس کی سماعت سے قبل شیخ رشید نے میڈیا سے گفتگو کرتے ہوئے کہا کہ انصاف 20 کروڑ عوام کا حق ہے۔ نعیم بخاری پی ٹی آئی کا وکیل ہے۔ نعیم بخاری سے عمران خان مطمئن ہیں تو میں بھی مطمئن ہوں۔انہوں نے کہا کہآرٹیکل 62 اور 63 تمام قوانین کی ماں ہے، 62 ایف میں کسی مزیدثبوت کی ضرورت نہیں۔ریاستی ادارے ریاست کے غلام ہوتے ہیں۔ سپریم کورٹ سے کرپشن کا ثبوت نکلے گا۔ شیخ رشید کا مزید کہنا تھا کہ عوامی مسلم لیگ اپنا کیس خود لڑ رہی ہے۔دھرنا دیں گے اس بار دھرنے کا فیصلہ عوام اور شیخ رشید کریں گے۔نعیم بخاری پی ٹی آئی کے وکیل ہیں نہ اس پر بات کی ہے نہ کرنے کی ضرورت ہے۔ وزیراعظم،انکے بچوں اور ہارون پاشا کا جواب دیکھ لیں تو پتہ چلے گا کہ ان کا جواب مختلف ہے۔واضح رہے کہ گزشتہ روز پانامہ کیس کی سماعت کے بعد شیخ رشید نے نعیم بخاری کے بارے بیان میں کہا تھا کہ اگر پی ٹی آئی کے وکیل اسی طرح کیس لڑتے رہے تو ہم کیس ہار جائیں گے۔

اسلام آباد (ویب ڈیسک) عوامی مسلم لیگ کے سربراہ شیخ رشید احمد نے کہا ہے کہ عدالتی ریماکس پر وزراءپریس کانفرنس کرکے روزانہ بغلیں نہ بجائیں ¾بغلیں بجانے والے وزرا منہ چھپاتے پھریں گے۔پاناما لیکس کیس کی سماعت سے قبل میڈیا سے بات چیت کرتے ہوئے شیخ رشید نے کہا کہ پانامالیکس کیس جنوری میں ہی ختم ہو جائے گا۔انہوں نے کہا کہ پاناما لیکس کیس پاکستان کی تاریخ کا اہم ترین کیس ہے۔

لاہور (ویب ڈیسک) عوامی مسلم لیگ کے سربراہ شیخ رشید نے کہا ہے کہ پاناما کیس پاکستان کی قسمت کا فیصلہ کریگا ،جنوری ملکی سیاست کے لیے انتہائی اہم ہے ،کیس جیتیں یا ہاریں اعلی عدلیہ کا ہر فیصلہ قبول کرینگے۔لاہور میں پریس کانفرنس کرتے ہوئے شیخ رشید احمد نے کہا کہ عدلیہ میں نا قابل تردید ثبوت پیش کر چکے ہیں کہ مریم نوازٹرسٹی نہیں بلکہ بینیفیشل اونر ہیں ، اس حوالے سے چار جنوری کو سپریم کورٹ میں مزید ثبوت بھی پیش کرینگے ۔انہوں نے کہا کہ پاناما کیس نے ثابت کردیا ہے کہ یہ لوگ ملکی دولت چوری کرکے بیرون ملک منتقل کرتے رہے ہیں، پاناما کیس کا فیصلہ ملکی قسمت کا فیصلہ ہے اگر عدلیہ نے انصاف پر مبنی فیصلہ دیدیا تو طالع آزماں کے راستے بند ہو جائیں گے اور قوم بیرکوں کے بجائے عدلیہ کی جانب دیکھے گی ۔شیخ رشید نے کہا کہ نواز شریف کو دو ہزار اٹھارہ میں وزیر اعظم نہیں دیکھ رہا ان لوگوں کا کرپشن اور لوٹ مار کے حوالے سے پورا شجرہ نسب ہے ۔انہوں نے کہا کہ عمران خان کو چاہیے تھا کہ وہ جاوید ہاشمی کی باتوں کا نوٹس ہی نہ لیتے، دھرنے میں میرے سامنے ما رشل لا کی کوئی سازش نہیں ہوئی۔اپوزیشن کے گرینڈ الائنس کے بارے میں شیخ رشید نے کہاکہ پیپلز پارٹی عملی طور پر ثابت کرے کہ وہ واقعی اپوزیشن جماعتوں کے ساتھ ہے، اعلی عدلیہ پاناما کیس کا جو بھی فیصلہ کریگی اسے قبول کرینگے تاہم سڑکوں پر آنے کا حق محفوظ رکھتے ہیں