ممبئی(ویب ڈیسک) نامور بالی ووڈ اداکارہ سنی لیون کے گھر جڑواں بچوں کی پیدائش ہوئی ہے جس کے بعد وہ ایک سال کے اندر  تین بچوں کی ماں بن گئی ہیں۔بھارتی فلم انڈسٹری کی بے باک اداکارہ سنی لیون ایک بار پھر ماں بن گئیں اس بار ان کے گھر دو جڑواں بچوں کی پیدائش ہوئی ہے۔ سنی لیون نے اپنے ماں بننے کی خوشخبری انسٹاگرام پر مداحوں کے ساتھ شیئر کی۔ اس کے ساتھ ہی انہوں نے لکھا کہ دونوں بچوں اشر سنگھ ویبر اور نواہ سنگھ ویبر کے ساتھ ان کا خاندان مکمل ہوگیا۔ ہم دونوں تین بچوں کے والدین بن کر بہت خوش ہیں اور فخر محسوس کررہے ہیں۔

یاد رہے کہ سنی لیون اور ان کے شوہر ڈینئل ویبر نے گزشتہ برس باہمی رضامندی سے ایک یتیم بچی گود لی تھی جس کانام نشا کور رکھا گیا تھا۔ تاہم اس بار ان دونوں نے  بچے گود لینے کےبجائے سروگیسی کے ذریعے دنیا میں لانے کا فیصلہ کیا جس کی تصدیق سنی لیون نے ٹویٹر پرکی اور کہا یہ دونوں ہمارے حقیقی بچے ہیں۔ انہوں نے مزید کہا خدا نے ہمیں سروگیسی کے ذریعے دو ننھے فرشتوں سے نوازا ہے جس کے بعد ہمارا خاندان مکمل ہوگیا۔ ہمارے بچے اس دنیا میں کئی ہفتوں قبل آئے تھے لیکن یہ دونوں ہمارے دلوں اور آنکھوں میں کئی برس سے زندہ تھے۔

ممبئی (خصوصی رپورٹ) سنی لیون اور ارباز خان کی نئی آنے والی فلم تیرا انتظار کا ٹریلر ریلیزکر دیا گیا،بالی ووڈ اداکارہ سنی لیون تو ویسے ہی اپنے بولڈ مناظر کے باعث کافی شہرت رکھتی ہیں تاہم سلمان خان کے بھائی ارباز خان کے ساتھ ان کی نئی آنے والی فلم میں انہوں نےانتہائی بولڈ سین دے کر ہر کسی کو حیران کر دیاہے ۔سنی لیون اور ارباز خان کی فلم تیرا انتظار کا ٹریلر ریلیزکر دیا گیاہے جس میں سنی لیون اور ارباز خان کے درمیان انتہائی بولڈ مناظر عکسبند کیے گئے ہیں ، اس فلم کا ٹریلر سنی لیون نے اپنے سوشل میڈیا اکاﺅنٹ پر بھی شیئر کیا جسے دیکھ کر ہرکسی کی آنکھیں کھلی کی کھلی رہ گئیں ہیں ۔یہ فلم آئندہ ماہ 24نومبر کو ریلیز کی جائے گی ۔

ممبئی: نامور بالی ووڈ اداکارہ سنی لیونی نےحال ہی میں اپنی تصاویر جاری کی ہیں جن میں ان کے چہرے پر کاسمٹک سرجری نظرآرہی ہے۔

فیشن اورشوبز کی دنیا میں کاسمیٹک سرجری کااستعمال لازم و ملزوم ہوگیا ہے اب ہراداکارہ اپنے چہرے کی خوبصورتی بڑھانے کے لیے کاسمیٹک سرجری کرواتی ہے، بالی ووڈ کی نامور اداکارہ عائشہ تاکیا سے لے کر راکھی ساونت تک تمام اداکاراؤں نےاپنے حسن میں مزید اضافے کے لیے کاسمیٹک سرجری کا سہارا لیا ہےاور اب بالی ووڈ کی آئٹم گرل سنی لیون نے ٹویٹر پر اپنی تصاویر جاری کی ہیں جن میں وہ پروستھیٹک میک اپ چہرے پر سجائے نظر آرہی ہیں۔

پروستھیٹک میک اپ دراصل کاسمیٹک سرجری کی ایک قسم ہے جس میں جسم کے مصنوعی اعضا کو چہرے اور جسم پر سرجری کے ذریعے لگایا جا تا ہے جس سے انسان کی ظاہری شکل و صورت عارضی طور پر تبدیل ہوجاتی ہے ، بھارتی میڈیا کے مطابق سنی لیون نے پروستھیٹک سرجری کا عمل اپنی نئی فلم کے لیے اپنایا ہے جس میں وہ بالکل نئے اور مختلف روپ میں نظرآئیں گی۔

 

سنی لیون نے ٹوئٹر پر دو تصاویر جاری کی ہیں اور ساتھ میں لکھا ہے کہ میں نے اپنی نئی فلم کے لیے پروستھیٹک کاعمل کروایا ہے مجھے یقین ہے آپ نے مجھے اس سے پہلے کبھی اس روپ میں نہیں دیکھا ہوگا۔

 

سنی لیون نے یہ انداز کس فلم کے لیے اپنایا ہے اس کی تفصیلات منظرعام پر نہیں آسکی ہیں تاہم سوشل میڈیا صارفین کی جانب سے انہیں ملا جلا ردعمل موصول ہورہا ہے ، ایک صارف نے لکھا ہے کہ سنی آپ ویسے ہی بہت خوبصورت ہیں مجھے آپ کا یہ روپ بالکل بھی پسند نہیں آیا۔

جب کہ ایک اور صارف نے انہیں بھوت قراردیتے ہوئے لکھا کہ آپ راگنی ایم ایم ایس کی نئی فلم میں بھوت کردار نبھا رہی ہیں؟ایک اور صارف نے انہیں مصر کی حنوط شدہ لاش (ممی) قرار دے دیا۔

واضح رہے کہ سرجری کا یہ عمل عارضی ہے فلم کے اختتام کے بعد سنی لیون واپس اپنی اصلی صورت میں آجائیں گی۔

ممبئی (شوبز ڈیسک)بالی ووڈ کی آئٹم گرل سنی لیون نے اپنی بیٹی نشا کورکے بارے میں بات کرتے ہوئے کہا ہے کہ نشا نے ان کی زندگی کو پوری طرح سے تبدیل کردیا۔ناموربالی ووڈ اداکارہ سنی لیون اور ان کے شوہر ڈینیل ویبر نے کچھ عرصے قبل ایک یتیم بچی گود لی جس کا نام نشا کورویبررکھا ، سنی لیون کی بچی گود لینے کی خبر بھارتی میڈیا میں جنگل کی آگ کی طرح پھیل گئی، کئی لوگوں نے سنی کے اس قدام پر شدید تنقید کی جب کہ کچھ لوگوں نے انہیں سراہتے ہوئے کہا کہ سنی کے اس متاثر کن قدم سے دوسرے اداکاروں کو بھی یتیم اور بے سہارا بچوں کی زندگیاں سنوارنے کاحوصلہ ملے گا۔سنی نے حال ہی میں ایک میگزین کو انٹرویو دیتے ہوئے نشا کے اپنی زندگی میں آنے کے بعد تبدیلیوں کے بارے میں بات کرتے ہوئے کہا جب سے نشا ہمارے گھرمیںآئی ہے۔ہماری زندگی خوشیوں سے بھر گئی ہے، نشا بہت سمجھدار بچی ہے وہ بہت جلد ہم سب کے ساتھ گھل مل گئی ہے، انہوں نے کہا انہیں جب محسوس ہوا کہ ان کے شوہراورگھروالے ایک چھوٹے بچے کے خواہشمند ہیں اسی وقت نشا ہماری زندگی میں آگئی اوراس نے ہماری فیملی کو مکمل کردیا۔سنی لیون نے مزید کہا کہ یہ بہت ضروری ہے کہ ہر بچے کو ایک نارمل بچپن ملے لہٰذاہمارا یتیم بچی گود لینے کا مقصد بھی یہی تھا کہ ہم نشا کو ہر وہ چیزدے سکیں جس کی خواہش ہربچے کو ہوتی ہے، میں ایک اچھی ماں بننے کی پوری کوشش کررہی ہوں اور اسی لیے اپنا زیادہ تروقت اپنی بیٹی کے ساتھ گزارتی ہوں، نشانے میری زندگی کو تبدیل کرنے میں بہت اہم کردارادا کیا ہےکیا آپ جانتے ہیں۔

ممبئی (خصوصی رپورٹ) بالی ووڈ کی بے باک اداکارہ سنی لیون ان دنوں فلم میں آئٹم سانگ میں نظر آتی ہیں تاہم اسی طرح وہ اپنی آئندہ فلم میں اپنے رقص کے ذریعے بھارت کی لیجنڈ اداکارہ ریکھا کو خراج تحسین پیش کریں گی۔ بھارتی ذرائع ابلاغ کے مطابق اداکارہ سنی لیون نئی مراٹھی فلم ”بوائز“ میں کام کر رہی ہیں جس کے گانے ”کتھے کتھے جائیچا“ میں انہوں نے ریکھا جیسی ساڑھی پہنی اور رقص کر کے انہیں خراج تحسین پیش کیا ہے، جبکہ فلم کے بارے میں کہا جا رہا ہے کہ یہ ایسے نوجوانوں پر مشتمل ہے جو اپنے گھروں سے دور ہوسٹل میں رہتے ہیں۔ بھارتی میڈیا کے مطابق فلم 8ستمبر کو ریلیز کی جائے گی۔

ممبئی(ویب ڈیسک) معروف کامیڈی شو ” دی کپل شرما شو ” میں اہم کردار ادا کرنے اداکار سنیل گروور اور بالی ووڈ کی باربی ڈول سنی لیون کی کرکٹ کھیلتے ہوئے ویڈیو منظرِ عام پر آ گئی۔ ویڈیو نے سوشل میڈیا پر دھوم مچا دی ہے۔اس ویڈیو میں دیکھا جاسکتا ہے کہ سنی لیون بیٹنگ کررہی ہیں اور سنیل گروور باو¿لنگ کرارہے ہیں۔تفصیلات کے مطابق اداکارہ سنی لیون نے اپنے فیس بک پیج پر ایک ویڈیو شیئر کی ہے جس میں وہ ’دی کپل شرما شو‘ کے مشہور کردار ڈاکٹر مشہور گولاٹی جن کا اصل نام سنیل گروور ہے کے ساتھ کرکٹ کھیلتی ہوئی نظر آرہی ہیں۔ سنی لیون کی ویڈیو کو سوشل میڈیا پر خوب پذیرائی مل رہی ہے اور ان کے مداح اس ویڈیو کو بے حد پسند کررہے ہیں۔یاد رہے کہ سنیل گروور کاکپل شرما کے ساتھ جھگڑا ہوا جس کے بعد وہ شو کو چھوڑ گئے تھے۔ تاہم کوششوں کے بعد دونوں کے درمیان صلح ہوگئی۔

لاس اینجلس(شوبز ڈیسک)بالی ووڈ اداکارہ سنی لیون نے اسکرپٹ رائٹنگ اور ایڈیٹنگ سیکھنے کے لیے اسکول میں داخلہ لے لیا۔بالی ووڈ اداکارہ سنی لیون ان دنوں فلمی دنیا سے دور امریکا کے شہر لاس اینجلس میں چھٹیاں گزاررہی ہیں اور سوشل میڈیا پر مداحوں کو سیرو تفریح کی تصاویرشیئر کرکے اپنی مصروفیات سے آگاہ کرتی رہتی ہیں لیکن اس کے ساتھ ساتھ اب سنی لیون کی جانب سے آنے والی نئی خبر نے سب کو حیران کردیا ہے۔بھارتی میڈیا رپورٹس کے مطابق سنی لیون نے لاس اینجلس کے اسکول میں داخلہ لے لیا ہے جہاں وہ اسکرپٹ رائٹنگ اور ایڈیٹنگ کی مہارت بڑھانے کا کورس کررہی ہیں جب کہ اداکارہ نے بھی اسکول جانے کی خبر کی تصدیق کردی ہے۔سنی لیون کا کہنا تھا کہ میں نے اس کورس کے لیے کافی پہلے سے سوچ رکھا تھا لیکن فلمی مصروفیات کے باعث نہیں کرسکی تھی مگر اب نئی چیزیں سیکھنے کے لیے دوبارہ اسکول جانے پر کافی نروس ہوں۔

ممبئی(ویب ڈیسک)بالی ووڈ اداکارہ سنی لیون جو فلموں میں بولڈ کردار ادا کرنے کے حوالے سے کافی شہرت رکھتی ہیں اور سنی لیون کے مداحوں کا بھی یہی خیال ہے کہ وہ ایک بولڈ اداکارہ ہیں لیکن سنی لیون کا کہنا ہے کہ وہ انتہائی شرمیلی لڑکی ہیں۔ایک انٹرویو میں سنی لیون کا کہنا تھا کہ میں فطرتاً ایک شرمیلی اور تنہائی پسند ہوں، زیادہ لوگوں سے ملنا جلنا پسند نہیں ہے لیکن شاہ رخ خان نے مجھے نئے لوگوں سے ملنا سکھایا ہے اور بتایا کہ کس طرح لوگوں میں گھلاملا جاتاہے۔ اب تک حاصل ہونے والے تجربے اور فلم ’رئیس‘ کی پروموشن کے دوران میں نے سیکھا کہ لوگوں سے ملاقات کے دوران کس طرح بات چیت کرنی چاہیے

لاہور (ویب ڈیسک) سنی لیون کے ایموجی سٹیکر ز پر مشتمل ایپلی کیشن گوگل پلے سٹور پر آگئی۔ سنی لیون نے ایموجی فائی کے اشتراک سے یہ ایپلی کیشن متعارف کروائی ہے۔مذکورہ ایموجی سٹیکرز فیس بک میسنجر، فیس بک، واٹس ایپ، ہائیک اور ہینگ آو¿ٹ پر کارآمد ہونگے۔ان سٹیکرز کوحاصل کرنے کیلئے آپ کو گوگل پلے سٹور سے ایموجی فائی نامی ایپلی کیشن ڈاو¿ن لوڈ کرنا ہوگی۔