لندن(این این آئی)برطانوی حکومت نے سخت سردیوں کی آمد کے پیشِ نظر افغانستان میں شدید غذائی قلت، انسانی بحران سے نمٹنے کے لیے پانچ کروڑ پانڈ کی نئی ہنگامی امدادی رقم جاری کرنے کا باضابطہ اعلان کر دیا ہے۔ غیر ملکی خبر رساں ادارے کے مطابق برطانوی وزارتِ خارجہ و ترقیات کی جانب سے جاری کردہ بیان میں واضح کیا گیا کہ یہ رقم کسی سرکاری انتظامیہ کے بجائے اقوامِ متحدہ، عالمی فلاحی اداروں کے ذریعے براہِ راست مستحق افغان شہریوں تک پہنچائی جائے گی۔ برطانوی حکام کا کہنا تھا کہ افغانستان میں لاکھوں بچے، خواتین خوراک، ادویات، گرم ملبوسات کی شدید کمی کا شکار ہیں جنہیں فوری مدد فراہم کرنا عالمی برادری کی اخلاقی ذمہ داری ہے۔ فلاحی تنظیموں نے برطانیہ کے اس بروقت اقدام کا خیرمقدم کرتے ہوئے دیگر ترقی یافتہ ممالک سے بھی تعاون بڑھانے کی اپیل کی ہے۔
