لاہور(کلچرل رپورٹر)اداکارہ عینی جعفری اور عثمان خالدبٹ کی پہلی فلم”بالوماہی“آئندہ سال فروری میں ریلیز کی جائے گا جس کا اعلان پروڈکشن کمپنی نے گزشتہ روز سرکاری طور پر کیا۔فلم کی شوٹنگ کئی ماہ سے جاری ہے اور اس کا اخری سپیل جلد شروع کیا جائے گا جس کے بعد پوسٹ پروڈکشن شروع کردی جائے گی۔اس فلم کے ڈائریکٹر ہائسم حسین ہیں جو قبل ازیں بہت سے ٹی وی ڈرامے بناچکے ہیں۔ اس فلم میں معروف ماڈل صدف کنول بھی پہلی بار کام کررہی ہیں یوں فلم کے تین مرکزی کرداروں کی یہ پہلی فلم ہے جس کے بارے میں نہ صرف پروڈکشن بلکہ کاسٹ بھی پرجوش ہے۔فلم کے پروڈویوسر سعدیہ جبار اور اشرف چوہدری ہیں جبکہ ”بالوماہی“کو حماد چوہدری ریلیز کریں گے جس کا معاہدہ پہلے ہی طے پاگیا ہے ۔
