لاہور(کلچرل رپورٹر)اداکار ہ وینا ملک اور ان کے شوہر کے درمیان اختلافات پیدا ہوگئے ہیں جن کے خاتمے کے لئے ان کے بعض مشترکہ دوست بھی متحرک ہوگئے ہیں۔باوثوق ذرائع نے بتایا ہے کہ وینا ملک اور ان کے شوہر اسد بشیر خان خٹک کے درمیان کئی گھریلو معامالات پر کافی عرصے سے اختلافات چل رہے تھے جن میں اب شدت آگئی ہیں۔ انہی اختلافات کی وجہ سے کئی بار ان کے درمیان تلخ کلامی بھی ہوچکی ہے۔ چندروز پہلے بھی ان کے درمیان کسی بات پرتلخ کلامی ہوئی۔ذرائع نے بتایا ہے کہ چندروز سے دونوں آپس میں کافی ناراض ہیں اور اس بارے میں اب ان کے دوستوں کو بھی پتہ چل چکا ہے جو ان کے درمیان اختلافی معاملات ختم کرانے کی کوشش میں مصروف ہیں۔اس بارے میں وینا ملک کا موقف معلوم نہیں ہوسکا جبکہ ان کے مینجرسہیل راشد کا کہنا ہے کہ مجھے اس بارے کچھ معلوم نہیں ہے ۔
