لاہور (کرائم رپورٹر) اسلام پورہ کے علاقہ میں (ن) لیگ کے دفتر کے باہر بیٹھے کارکنوں میں معمولی تلخ کلامی پر گولیاں چل گئیں جس سے شدید خوف و ہراس پھیل گیا۔ پولیس نے 2افراد کو گرفتار کر لیا۔ بتایا گیا ہے کہ رات گئے عالمگیر روڈ پر واقع مسلم لیگ (ن) کے دفتر کے باہر کرسیاں لگا کر ملک کاشف اور وارث وغیرہ بیٹھے تھے‘ اس دوران کسی بات پر تلخ کلامی ہو گئی جس پر طیش میں آ کر دونوں نے ایک دوسرے پر گولیاں چلا دیں تاہم کوئی جانی نقصان نہیں ہوا۔ فائرنگ سے علاقہ میں خوف وہراس پھیل گیا جبکہ واقعہ کی اطلاع ملتے ہی پولیس موقع پر پہنچ گئی جنہوں نے دونوں کو حراست میں لے لیا۔
فائرنگ
