لاہور (خصوصی رپورٹ) حضرت داتا گنج بخش کا973 واں سالانہ عرس مبارک 19 تا 21 نومبر کو داتا دربار میں ہوگا۔ جس میں دنیا بھر سے لاکھوں کی تعداد میں زائرین حاضرین دیں گے۔ سکیورٹی، صفائی، ٹریفک پارکنگ اور زائرین کے لیے بہترین سہولیات کی فراہمی کیلئے انتظامات مکمل کرلیے گئے ہیں۔ عرس مبارک کی استقبالیہ تقریبات کا آغاز آج سے ہو جائے گا۔ ان خیالات کا اظہار سیکرٹری اوقاف نوازش علی اور ڈائریکٹر جنرل اوقاف ڈاکٹر طاہر رضا بخاری نے لاہور پریس کلب میں حضرت داتا گنج بخشؒ کے عرس کے جملہ انتظامات کے سلسلے میں پریس بریفنگ دیتے ہوئے کیا۔
