مانچسٹر (مانیٹرنگ ڈیسک) تحریک انصاف کے چیئرمین عمران خان نے کہا ہے کہ عدالت میں خود کو بے گناہ ثابت کرنا نوازشریف کی ذمہ داری ہے۔ انہوں نے مانچسٹر میں میڈیا سے گفتگو کرتے ہوئے کہا کہ حامدخان ایڈووکیٹ اپنی مرضی سے دستبردار ہوئے ہیں۔ ہماری خواہش تھی کہ وہ کیس کی پیروی جاری رکھتے۔ نئے وکیل کا فیصلہ پاکستان واپسی پر کروں گا۔ ایک سوال کے جواب میں عمران خان نے کہا کہ لندن میں وزیر داخلہ چودھری نثار سے ملاقات نہیں ہو گی‘ نہ ہی کوئی لندن پلان ہے۔ دوست کی بہن کی شادی میں شرکت کیلئے یہاں آیا ہوں۔ فارغ ہو کر واپس چلا جاﺅںگا۔ انہوں نے کہا کہ جج صاحبان بھی کیس کا فیصلہ جلد چاہتے ہیں۔ جو بھی فیصلہ ہو گا قبول کریں گے۔ انہوں نے کہا یہ بہت بڑی بات ہے کہ تاریخ میں پہلی بار ملک کا چیف ایگزیکٹو کٹہرے میں کھڑا ہے اور اپنے اوپر الزامات کا جواب دے رہا ہے۔
عمران خان
