اسلام آباد(صباح نیوز)ملک کے بالائی علاقوں میں سردی کی شدت میں اضافہ ہوگیا ہے ،محکمہ موسمیات کے مطابق آئندہ چوبیس گھنٹے کے دوران ملک کے بیشتر علاقوں میں موسم سرد اور خشک رہیگا۔ جبکہ پنجاب کے میدانی علاقوں میں صبح کے اوقات میں ہلکی دھند پڑنے کا امکان ہے۔بلوچستان میں زیارت،قلعہ سیف اللہ ،ژوب اور کوئٹہ میں سردی میں اضافہ ہوگیا ہے ،پنجاب کے میدانی علاقوںمیں سرد ہواوں کی وجہ سے موسم یکثر بدل گیا ہے ،سندھ میں بھی اکثرمقامات پر موسم میں خنکی پائی جاتی ہے جبکہ صوبہ خیبر پختونخوا کے بالائی علاقوں میں سردی کی شدت کی وجہ سے لکڑ ی کی مانگ میں اضافہ ہوگیا ہے۔محکمہ موسمیات کے مطابق آئندہ چوبیس گھنٹوں کے دوران ملک کے بالائی علاقوںمیں موسم خشک رہے گا۔
