کراچی ( ویب ڈیسک ) کراچی کے مختلف علاقوں میں ڈبل سواری پر پابندی کی خلاف کرنے والوں کے خلاف کریک ڈاون کے دوران 132 افراد کو گرفتار کرلیا گیا ¾ جیکسن میں جرائم پیشہ افراد کے خلاف پولیس نے سرچ آپریشن کر کے 23 مشتبہ افراد کو حراست میں لے لیا۔شہر قائد کے مختلف علاقوں میں پولیس کارروائی کے دوران 132 افراد کو گرفتار کر لیا گیا۔ پولیس کے مطابق گرفتار افراد کو دفعہ 144کے تحت ڈبل سواری پر پابندی کی خلاف ورزی کرنے کے الزام میں گرفتار کیا گیا ہے۔ بیشتر گرفتاریاں درخشاں، ڈیفنس، آرام باغ، پریڈی اور اطراف کے علاقوں میں کی گئی ہیں۔ دوسری جانب جیکسن کے علاقے میں پولیس نے جرائم پیشہ افراد کی موجودگی کی اطلاع پر سرچ آپریشن کے دوران 23 مشتبہ افراد کو حراست میں لے لیا۔ پولیس کے مطابق زیر حراست افراد سے تفتیش جاری ہے۔
