اسلام آباد / لاہور (مانیٹرنگ ڈیسک) وفاقی اور پنجاب کی حکومت نے اراکین اسمبلی کیلئے خزانے کے منہ کھول دئیے، بیس کروڑ روپے فی رکن اسمبلی کو جاری کردیئے گئے۔ تفصیلات کے مطابق یہ الیکشن کی تیاری ہے یا کچھ اورمعاملہ؟ مالِ مفت دل، بے رحم کے مصداق وفاق اور پنجاب کی صوبائی حکومت نے ہر رکن قومی اسمبلی کو ترقیاتی کاموں کے فنڈ کی مد میں بیس کروڑ روپے کی رقم جاری کی ہے جو ہر ممبر اپنے حلقہ انتخاب میں علاقے کی تعمیر و ترقی اور فلاح وبہبود کیلئے استعمال کرے گا۔ اس حوالے سے ہر رکن قومی اسمبلی کو 10کروڑ وفاقی حکومت اور 10 کروڑ پنجاب حکومت نے دیئے ہیں، ذرائع کا کہنا ہے کہ فنڈز جاری کرنے کا مقصد اراکین قومی اسمبلی اپنے حلقہ میں تر قیاتی کام کراسکیں گے۔
