کراچی (ویب ڈسیک)کراچی میں معروف گلوکارہ صنم ماروی کے گھر پر ملزمان نے حملہ کرکے صنم ماروی سے زیادتی کی کوشش کی۔ اہل خانہ اور اہل محلہ کی اطلاع پر پولیس نے بروقت کارروائی کرتے ہوئے ایک ملزم فارن مغیری کو گرفتار کر لیا۔ملزمان کے خلاف مقدمہ بھی درج کر لیا گیا ہے۔پولیس نے دیگر ملزمان کی گرفتاری کیلئے چھاپے مارنا شروع کردیئے ہیں۔ملزمان میں حسیب، شفیق الرحمان،احمد نواز مغیری اور دیگر شامل ہیں۔ملزمان کے خلاف ایف آئی آر بیس بٹا دو ہزار سترہ کے تحت درج کیا گیا ہے۔ مقدمے میں ملزمان پر قتل کی دھمکیاں دینے،عزت پر حملہ اور زخمی کرنے کی دفعات شامل کی گئی ہیں۔
