کابل (مانیٹرنگ ڈیسک) افغانستان کے صوبے ہلمند میں امریکی فوجی قافلے پر حملہ ،3فوجی ہلاک،5شہری شہید ہوگئے جبکہ 9زخمی ہیں۔عرب ٹی وی کے مطابق کار میں بم نصب تھا فوجی گاڑی جو ں ہی نزدیک پہنچی تو دھماکہ ہوگیا جس کی زد میں آکر 3 امریکی فوجی ہلاک اور 4زخمی ہوگئے،حکام کا کہنا ہے کہ دھماکے میں بینک میں جمع فوجیوں کو نشانہ بنایا گیا، حملے میں 2 خواتین 3 بچے اور4 فوجی زخمی ہوئے ۔امریکی فوجی قافلے کو ضلع سنگین میں نشانہ بنایا گیا ہے،عینی شاہدین کا کہنا ہے کہ چند ہفتوں سے طالبان کارروائیوں میں اضافہ دیکھا جارہا ہے،سکیورٹی فورسز نے مزید تحقیقات کیلئے جائے وقوعہ سے نمونے اکٹھے کرکے لیبارٹری بھیج دیے ہیں۔ دریں اثناءافغانستان کے جنوبی صوبہ ہلمند میں سیکورٹی فورسز کے آپریشن میں8طالبان رہنماﺅں سمیت 60 جنگجو ہلاک ہوگئے ۔افغان میڈیا کے مطابق جنوبی صوبہ ہلمند میں سیکورٹی فورسز کے ہاتھوں طالبان عسکریت پسندوں کو بھاری جانی نقصان اٹھا نا پڑا ہے ۔صوبائی حکام کا کہنا ہے کہ 60طالبان عسکریت پسندوں کو ضلع سنگین میں ہلاک کردیا گیا جو بڑے حملے کی تیاری کررہے تھے ۔صوبائی گورنر ،نائب صوبائی انٹیلی جنس چیف اور افغان آرمی کے کمانڈر215کور نے پریس کانفرنس کرتے ہوئے تازہ ترین معلومات فراہم کی ہیں۔حکام کاکہنا ہے کہ عسکریت پسندوں نے سنگین پر دو ہفتے قبل ایک بڑے حملے میں پسپا ہونے کے بعد دیگر صوبوں اور اضلاع سے سینکڑوں جنگجوﺅ ں کو طلب کیا تھا۔حکا م کا مزید کہنا تھاکہ طالبان باغی سیکورٹی فورسز کی نگرانی میں تھے 60عسکریت پسند سنگین میں فضائی کاروائی کے دوران مارے گے ۔آپریشن کے دوران مارے جانے والے طالبان کمانڈروں کی شناخت عمران ،حاجی زالمائی ،شاکر ،حسین ،متاسم،ملا فاروق،جاوید ،شریف کے نام سے ہوئی ہے جبکہ دیگر کئی کی شناخت نہیں ہوسکی جن کی لاشیں علاقے میں پڑی ہیں۔دوسری جانب افغانستان میں تعینات امریکی فوج کے ترجمان نے کہا ہے کہ صوبہ ہلمند میں امریکی حملے میں افغان شہریوں کی مبینہ ہلاکتوںکے دعوے کا جائزہ لیا جائے گا،شہریوں کی ہلاکتوں کے الزامات کی سنگینی کا احساس ہے اس ضمن میں تحقیقات کی جائیں گی صوبہ ہلمند میں قبائلی عمائدین نے دعوی کیا ہے کہ گزشتہ رات سنگین نامی ضلع میں ہونے والے امریکی فضائی حملوں میں کم سے کم 19افراد ہلاک جبکہ دیگر20 زخمی ہوئے ہیں۔اور ضلع میں ہونے والے امریکی فضائی حملوں میں19 افراد ہلاک جبکہ بیس زخمی ہوگئے ،ادھرافغانستان میں تعینات امریکی فوج ا±ن دعووں پر نظرِ ثانی کرنے کے لیے تمام پہلوو¿ں کا از سر نو جائزہ لینے کا اعلان کرتے ہوئے کہاہے کہ امریکی فضائی حملوں سے افغان صوبے ہلمند میں جانی نقصان ہوا ہے۔ افغانستان میںشدید برفباری کےبعد برفانی تودے گرنے کے واقعات میں ہلاک ہونے والوں کی تعداد 200کے قریب پہنچ گئی ۔افغان میڈیا کے مطابق حکام کا کہنا ہے کہ ملک کے مختلف علاقوں میں شدید برفباری کے بعد برفانی تودوں کے گرنے سے ہلاک شدگان کی تعداد 191 تک پہنچ گئی ہے۔
