بہاولنگر(بیورورپورٹ)پاک آرمی کا ہیلی کاپٹر فنی خرابی پیدا ہونے کے بعد ایک بہت بڑے حادثہ سے بچ گیا ،ہیلی کاپٹر میں پاک آرمی کے آفیسران موجود تھے ۔ پائلٹ نے ہیلی کاپٹر کو محفوظ طریقہ سے تخت محل کے علاقہ میں لینڈ کر وا دیا۔ تفصیلات کیمطابق تخت محل کے علاقہ میں پاک آرمی کے ہیلی کاپٹر میں اچانک فنی خرابی پیدا ہونے کے بعد پائلٹ نے ہیلی کاپٹر کو تخت محل کے محفوظ مقام پر لینڈ کر وایا۔ ہیلی کاپٹر میں آرمی کے آفیسران بھی موجود تھے جو خیر خیریت سے ہیں ۔ ہیلی کاپٹر فنی خرابی پیدا ہونے کے بعد ایک بہت بڑے حادثہ سے بچ گیا ۔ ہیلی کاپٹر کے لینڈ ہوتے ہی علاقہ کی عوام میں وزیر اعلیٰ پنجاب کے اچانک آمد کی خبر پھیل گئی کیونکہ گزشتہ روز گیس پائپ لیکج کے دھماکہ سے زمین بوس ہونیوالی عمارتوں میں ہونیوالی ہلاکتوں کا تعلق بھی تخت محل کے علاقہ قاسمکا کی بستی سے تھا جن کی نماز جنازہ کے بعدابھی تک تدفین ہو رہی تھی کہ اچانک پاک آرمی کا ہیلی کاپٹر فنی خرابی کے باعث اُتار لیا گیا۔بہاولنگر اور گر دو نواح کی عوام میں دھماکہ سے ہونیوالی ہلاکتوں کے پیش نظر وزیر میاں محمد شہباز شریف کی آمد کی خبر پھیل گئی ۔بعد ازاں تصدیق ہونے کے بعد وزیر اعلیٰ کی آمد کی خبر میں کوئی صداقت نہ تھی۔
