اسلام آباد (ویب ڈیسک) پاکستان پیپلزپارٹی کے رہنما سینیٹر رحمان ملک نے کہا ہے کہ حکومت بھارتی پروپیگنڈے کے خلاف کوئی کارروائی نہیں کر رہی تاہم پیپلزپارٹی دہشتگردی کے خاتمے کے لئے ہر حکومتی اقدام کی حمایت کرے گی۔ ان خیالات کا اظہار انہوں نے پیر کے روز اسلام آباد میں صحافیوں سے گفتگو میں کیا ۔ سینیٹر رحمان ملک نے کہا کہ افغانستان کے ساتھ مل کر پاکستان کی سالمیت اور خودمختاری کے خلاف کام کر رہا ہے جبکہ بھارت پاکستان کو عالمی سطح پر دہشتگرد ملک باور کرانے کا بیانگ دہل پروپیگنڈہ کر رہی ہے لیکن حکومت ان کے خلاف کوئی کارروائی نہیں کر رہی اور یہی وجہ ہے کہ دشمن بار بار مملکت خداداد میں تخریبی کارروائیاں کر رہے ہیں ۔ انہوں نے کہاکہ کچھ لوگ ملک کے نامساعد حالات میں بھی غلط خبریں پھیلا رہے ہیں لیکن بہت جلد ان کے خلاف ایکشن لوں گا ۔
