خیبرایجنسی (آئی این پی )خیبرایجنسی میں پاک افغان سرحد طورخم پر ایک ہفتہ فٹ پاتھ پررہنے والے252 افغان شہریوں کو افغان فورسز کے حوالے کردیا گیا ۔ جذبہ خیرسگالی کے تحت حوالے کیے جانے والے افغان شہریوں میں بچے اور خواتین بھی شامل ہیں۔ حالیہ دہشت گردی کی لہر کے باعث پاک افغان سرحد چمن ،خیبر ایجنسی اور کرم ایجنسی کے مقام پر نو روز سے بندہے جس کے باعث پیدل آمدورفت اور تجارتی سرگرمیاں معطل ہیں۔ پاک افغان سرحدی علاقوں میں شہری سرحد کھلنے کے منتظر ہیں۔
