کراچی(نمائندہ خصوصی) پاکستان پیپلزپارٹی کے چیئرمین بلاول بھٹو زرداری نے اس عزم کاا عادہ کیا ہے کہ پاکستان پیپلزپارٹی خواتین کو مزید بااختیار بنانے کیلئے مزید اقدامات اٹھائے گی، انہوں نے اقوم متحدہ کی جانب سے 2030ایجنڈا میں خواتین کے پائیدار ترقی کے مزید مقاصد رکھنے کو بھی خوش آمدید کہا ہے، کل دنای بھر میں منائے جانے والے عالمی یوم خواتین کے موقع پر اپنے پیغام میں پاکستان پیپلزپارٹی کے چیئرمین بلاول بھٹو زرداری نے کہا کہ پاکستان پیپلزپارٹی کا یہ منفرد رکارڈ ہے کہ اس نے ایک مسلم خاتون کو دنیا کی کسی اسلامی ریاست کی پہلی وزیراعظم طور منتخب کیاجنہوں نے ملک کے تمام کمزور طبقات کی رہنمائی کی اور پاکستان میں جنسی برابری اورخواتین کو بااختیار بنانے کیلئے اقدامات اٹھائے،ملک میں پہلی خواتین بینک قائم کرنے سے لے کر اعلیٰ عدلیہ میں خواتین ججز کی مقرری، خواتین کیلئے علیحدہ تھانے قائم کرنے اور بے زمین خواتین میں زمین کی تقسیم تک شہیدمحترمہ بینظیر بھٹونے ملک میں خواتین کو ترقی میں مساوی حصہ دار کی حیثیت سے قومی ترقی کی دھارا میں آگے لانے کیلئے ہر ممکن اقدامات اٹھائے۔ پاکستان پیپلزپارٹی کے چیئرمین بلاول بھٹو زرداری نے کہا ہے کہ انتہاپسندی کی مزاحمت پاکستان پیپلزپارٹی کا مشن ہے ، دہشتگردوں سے نہ ہم ڈرتے تھے اور نہ ہی ڈریں گے، بینظیر بھٹو شہید نے انتہاپسندوں کو چیلنج کیا تھا اور اپنی جان کا نذرانہ دے کر ثابت کر دیا کہ انتہاپسند ہمارے ملک کے دوست نہیں ، آئندہ انتخابات میں آپ کی محنت اور عوام کی طاقت سے جیتیں گے۔ وہ منگل کو پیپلزپارٹی مالاکنڈ ڈویژن سے تعلق رکھنے والے رہنماﺅں اور پارٹی کارکنوں سے گفتگو کر رہے تھے ۔ چیئرمین بلاول بھٹو زرداری نے کہا کہ کے پی کے عوام نے بہت مشکلات دیکھی ہیں، دہشتگردوں کے مظالم برداشت کئے ہیں۔ ایسے مشکل حالات میں ضمنی انتخابات میں دیر سے پاکستان پیپلزپارٹی کے رکن صوبائی اسمبلی کا انتخاب واضح پیغام ہے کہ کے پی کے عوام پاکستان پیپلزپارٹی کے ساتھ ہیں۔ چیئرمین بلاول بھٹو زرداری نے کہا کہ کارکن پارٹی کو مضبوط کریں اور میرا پیغام اپنے اپنے علاقے کے عوام تک پہنچائیں کہ دہشتگردوں سے نہ ہم ڈرتے تھے اور نہ ہی ڈریں گے۔ انہوں نے کہا کہ آئندہ انتخابات میں آپ کی محنت اور عوام کی طاقت سے جیتیں گے۔ کارکنوں کا جذبہ دیکھ کر مجھے پارٹی کی کامیابی کا یقین ہوتا ہے۔ وفود سے پاکستان پیپلزپارٹی پارلیمنٹیرینز کے صدر آصف علی زرداری نے کہا کہ بلاول بھٹو میرے بھی چیئرمین ہیں۔ ان کی قیادت میں پارٹی کامیابیاں حاصل کرے گی۔ انہوں نے کہا کہ قائدعوام ذوالفقار علی بھٹو شہید اور محترمہ بینظیر بھٹو شہید کے فلسفے کے مطابق صوبوں کو بااختیار بنایا اور کے پی کے عوام کو اپنی شناخت دی۔ انہوں نے کارکنوں پر زور دیا کہ وہ آپس میں باہمی اتحاد قائم کریں۔ اس موقع پر سینیٹر فرحت اللہ بابر، ہمایوں خان، فیصل کریم کنڈی، رحیم داد خان، نورعالم خان، شاذی خان، اخونزادہ چٹان،نجم دین، زمین خان، سینیٹر روبینہ خالد اور جمیل سومروبھی موجود تھے۔
