اسلام آباد(ویب ڈیسک)پاکستان پیپلز پارٹی (پی پی پی) کے سینئر رہنما قمر زمان کائرہ نے گورنر ہاو¿س سندھ میں ہونے اجلاس میں وزیراعظم نواز شریف کی شرکت کو تنقید کا نشانہ بناتے ہوئے کہا ہے کہ گورنر ہاو¿س کو کسی بھی صورت میں سیاسی مرکز کے طور پر استعمال کرنا نامناسب عمل ہے۔ پیپلز پارٹی کے دور میں بھی گورنر ہاو¿س کو سیاسی مقاصد کے لیے استعمال کیا گیا، جوکہ نہیں ہونا چاہیئے تھا۔ نجی ٹی وی کے پروگرام مےں گفتگو کرتے ہوئے انہو ں نے کہا کہ ‘اگرچہ کراچی کے حالات میں ماضی کے مقابلے میں کافی بہتری آئی ہے، لیکن وزیراعظم نواز شریف یہ نہ سمجھیں کہ انھوں نے سرکلر ریلوے پروجیکٹ کو سی پیک میں شامل کرکے یا پھر گرین لائن بس جیسے منصوبے کے آغاز سے کوئی بڑا کارنامہ سرانجام دیا ہے، کیونکہ ابھی اور بھی بہتری کی گنجائش موجود ہے’۔ان کا کہنا تھا کہ ہمیشہ سے گورنر کی سیاسی بنیادوں پر تقرری کی روایت رہی ہے اور اسی لیے اس سے فائدہ اٹھایا جاتا ہے۔پی پی پی رہنما نے کہا کہ ‘بدقسمتی سے حکومت نے صرف ایک صوبے کو تمام منصوبے دیئے ہیں، وزیراعظم کو چاہیئے کہ وہ تمام صوبوں کو ایک ہی نظر سے دیکھیں’۔ان کا مزید کہنا تھا کہ گذشتہ 4 سال سے حکومت کی توجہ صرف پنجاب میں ترقیاتی منصوبوں پر مرکوز تھی، لیکن اب جبکہ انتخابات میں بہت ہی کم وقت باقی ہے تب انہیں سندھ کے عوام کا خیال آیا ہے۔انھوں نے کہا کہ اگر حکومت پہلے دن سے سندھ میں بھی پنجاب کی طرز کے منصوبے بناتی تو آج حالات بہت تبدیل ہوچکے ہوتے۔ واضح رہے کہ گذشتہ روز وزیراعظم نواز شریف نے اپنے دورہ کراچی کے دوران گورنر ہاو¿س سندھ کا دورہ کیا، جہاں پاکستان مسلم لیگ (ن) سندھ کے رہنماو¿ں کے اجلاس کے دوران ان کا کہنا تھا کہ ہم کراچی کی روشنیاں واپس لائے ہیں اور سندھ کے عوام کی مزید خدمت کریں گے، جبکہ کراچی میں امن و امان کی مکمل بحالی تک چین سے نہیں بیٹھیں گے۔وزیراعظم کا کہنا تھا کہ مسلم لیگ (ن) کراچی سمیت سندھ بھر میں بڑی پارٹی بن کر ابھرے گی۔
