سری نگر (آئی این پی) مقبوضہ جموں و کشمیر کے نوجوانوں نے پاکستان سے اظہار یکجہتی کر کے مودی سرکار کے منہ پر جیسے تماچا رسید کر ڈالا ہو۔ کشمیر کے ایک مقامی کرکٹ کلب نے گرین شرٹس پہن کر نہ صرف میچ کھیلا بلکہ پاکستان کے ساتھ اظہار یکجہتی کی بھی اعلیٰ مثال قائم کر دی۔میچ کے آغاز سے پہلے میدان میں پاکستان کے قومی ترانے کی گونج نے نوجوانوں کھلاڑیوں کے خون کو مزید گرما دیا۔ کھلاڑیوں کا کہنا تھا گرین شرٹس پہننے کا مقصد کشمیری بھائیوں کے ساتھ اظہار یکجہتی کرنا تھا اور دنیا کو یہ یاد کروانا تھا کہ ہم کشمیر کے ایشو کو نہیں بھولے۔
