لندن(صباح نیوز)برطانیہ کے باکسر انتھونی جوشوا نے یوکرین کے ولادیمیر کلٹشکو کو لندن کے ویمبلے سٹیڈیم میں کھیلے جانے والے ایک مقابلے میں ناک آﺅٹ کر کے ورلڈ ہیوی ویٹ ٹائٹل جیت لیا ہے۔انتھونی جوشوا نے اپنے کریئر کا بہترین کھیل پیش کرتے ہوئے ولادیمیر کلٹشکو کو میچ کے 11 ویں راﺅنڈ میں ناک آﺅٹ کر دیا۔دونوں کھلاڑیوں نے تیز اور عمدہ کھیل کا مظاہرہ کیا۔جوشوا نے میچ کے پانچویں راﺅنڈ میں کلٹشکو کو جب کہ کلٹشکو نے چھٹے راﺅنڈ میں جوشوا کو زمین پر گرایا۔میچ کے 11 ویں راﺅنڈ میں جوشوا نے کلٹشکو کو ناک آﺅٹ کر کے ورلڈ ہیوی ویٹ کا ٹائٹل اپنے نام کیا۔واضح رہے کہ 27 سالہ انتھونی جوشوا نے گذشتہ 18 مقابلے ناک آﺅٹ کی بنیاد پر جیتے ہیں۔مقابلہ جیتنے کے لیے کے بعد جوشوا نے کہا کہ باکسنگ میں کہا جاتا ہے کہ اپنے تکبر کو باہر چھوڑ کر آنا چاہیے اور اپنے حریف کا احترام کرنا چاہیے میں ولادیمیر کلٹشکو کا احترام کرتا ہوں۔لندن کے ویمبلے سٹیڈیم میں ہونے والے اس مقابلے کو 90000 افراد نے دیکھا۔
