اسلام آباد(ویب ڈیسک)مسلم لیگ (ن )کے رہنما دانیال عزیز نے کہا ہے کہ جمائما سے رقم لینے اور واپسی کا منی ٹریل موجود نہیں، پی ٹی آئی کے وکیل نے جواب جمع کرانے کے لیے آج پھر وقت مانگا ہے۔پیرکوالیکشن کمیشن کے باہر میڈیا سے گفتگو کرتے ہوئے دانیال عزیز نے کہا کہ پی ٹی آئی والے آج پھر الیکشن کمیشن میں معاملات سے بھاگے ہیں، جسٹس افتخار کے دور میں بھی عمران خان نے معافی مانگی تھی۔انہوں نے کہا کہ بیرونی فنڈنگ سے ملک میں انتشار پھیلانے کی کوشش کی جارہی ہے، عمران خان الیکشن میں پارٹی فنڈنگ اور منی ٹریل دینے میں ناکام رہے، آئین میں ہے فارن فنڈنگ والی جماعت کی سیاسی حیثیت ختم کردی جائے گی۔دانیال عزیز نے کہا کہ زرداری دور سے پی ٹی آئی غیر ملکی فنڈنگ حاصل کررہی ہے ۔انہوں نے الزام لگایا کہ پی ٹی آئی نے زرداری حکومت ہٹانے کے لئے بھی فنڈنگ لی۔
