لاہور(شوبز ڈیسک) فلمسٹار میرا نے کہا ہے کہ مقبول جوڑیوں کے ساتھ دوبارہ فلمیں بنانے سے انڈسٹری کے حالات بہتر ہو سکتے ہیں ، اداکارہ شان کے ساتھ میری جوڑی بڑی مقبول ہوئی ، ان کے ساتھ فلم ” کھلونا “ میں اداکاری کی اور یہ فلم سپرہٹ ہوئی اور اب بھی میری خواہش ہے کہ میں شان کے ساتھ کام کروں۔ انہوں نے کہا کہ میری اور شان کی جوڑی کو لیکر اگر نئی فلمیں بنائی جائیں تو میں یقین سے کہہ سکتی ہوں کہ وہ فلمیں بکس آفس میں شاندار بزنس کریں گی۔میں نے بابر علی کے ساتھ ”’ کھوئے ہوئے تم کہاں “ اور ” بازی گر “ جیسی کامیابی فلمیں کی جبکہ معمر رانا کے ساتھ اچھی بھی فلمیں کر چکی ہوں۔ میرا نے کہا کہ شان ، عجب گل ، معمر رانا اور بابر علی کے ساتھ میری فل میں زیادہ مقبول ہوئیں ان ہیروز کے ساتھ دوبارہ اداکاری کرنا چاہتی ہوں اور خاص طور پر شان کے ساتھ نئی فلم میں کام کرنے کی خواہشمند ہوں۔
