اسلام آباد (ویب ڈیسک) عمران خان کا ’گو نواز گو‘ کا نعرہ ن لیگ کے دانیال عزیز کو پسند آگیا، ان کا کہنا ہے کہ گو کا مطلب جی او ہے یعنی جیو نواز جیو ہے۔ انہوں نے مزید کہا کہ عمران خان کی مہربانی کہ وہ ’گو نوا ز گو‘ کا نعرہ لگاتے رہیں اس سے نواز شریف کے ووٹ بڑھتے رہیں گے۔ ادھر پی ٹی آئی کے رہنما نعیم الحق نے کہا ہے کہ پوری دنیا جانتی ہے کہ پیسے کے معاملے پر عمران کی دیانت کا ان کے دشمن بھی اعتراف کرتے ہیں۔ انہوں نے یہ بھی کہا کہ نواز شریف ماڈل ٹاﺅن میں اپنے بھائی، ڈان لیکس میں بیٹی اور پاناما میں خود کو بچا رہے ہیں۔ تحریک انصاف کے رہنما فواد چودھری کہتے ہیں کہ پاناما لیکس پر وزیر اعظم اور ان کے بچوں سے جے آئی ٹی براہِ راست ٹی وی پر عوام کے سامنے پوچھ گچھ کرے۔
