اسلام آباد (صباح نیوز) ایرانی آرمی چیف کے بیان پر پاکستان نے شدید تشویش کا اظہار کرتے ہوئے اسلام آباد میں تعینات ایرانی سفیر مہدی ہنر دوست کو دفتر خارجہ طلب کر کے تحفظات کا اظہار کیا گیا ہے اور واضح کیا ہے کہ ایسے بیانات برادر ملکوں کیخلاف تنا ﺅکا باعث بنیں گےمیڈیا رپورٹس کے مطابق منگل کے روز پاکستان میں متعین ایرانی سفیر مہدی ہنر دوست کو دفتر خارجہ طلب کر کے ان سے ایرانی افواج کے چیف آف سٹاف جنرل محمد باقری کے سرحد پار کارروائی سے متعلق بیان پر تحفظات کا اظہار کیا گیا ہے۔ دفتر خارجہ نے ایرانی سفیر پر واضح کیا کہ ایسے بیانات دونوں دوست اور برادر ملکوں کیخلاف تناﺅ کا باعث بنیں گے۔ ترجمان دفتر خارجہ کا کہنا تھا کہ ایسے بیانات دونوں ملکوں کے برادرانہ تعلقات کیخلاف ہیں۔ دونوں ملکوں کے درمیان اعلی سطح کے تبادلوں سے تعلقات مضبوط ہوئے ہیں۔ ترجمان کا کہنا تھا کہ ایرانی وزیر خارجہ کے دورے میں سرحدی معاملات پر تعاون بڑھانے پر اتفاق ہوا لیکن ایسے بیانات سے دو طرفہ تعلقات خراب ہونے کا اندیشہ ہے۔ ایرانی سفیر کو واضح الفاظ میں کہا گیا ہے کہ پاکستان کو ایرانی افواج کے چیف آف اسٹاف کے بیان پر شدید تحفظات ہیں ایرانی کمانڈر کے بیانات سے منفی تاثر پیدا ہوااس طرح کے بیانات سے دونوں ملکوں کے تعلقات خراب ہونے کا اندیشہ ہے، ااس لیے یرانی حکام کو اس قسم کے بیانات سے گریز کرنا چاہئے۔ دفتر خارجہ کے ترجمان نفیس کریا نے ایرانی سفیر کو کہا کہ ایسے بیانات دونوں ملکوں کے برادرانہ تعلقات کے خلاف ہیں، آرمی چیف کے بیان تناﺅ کا سبب بنے گا اور ایسے بیانات تعلقات میں خلل ڈال سکتے ہیں۔ نفیس زکریا نے کہا کہ ایرانی وزیرخارجہ کے دورہ پاکستان کے موقع پر بارڈر مینجمنٹ پر بات ہوئی تھی اور پاکستان کی جانب سے ایرانی سفیر کو ایسے بیانات سے گریز کا کہا گیا ہے۔ یاد رہے کہ گزشتہ روز ایران کے چیف آف آرمی سٹاف نے دھمکی دی تھی کہ اگر پاکستان کی جانب سے ایرانی سرحد پر حملہ کرنے والے دہشتگردوں کے ٹھکانوں کو تباہ نہ کیا گیا تو ہم پاکستان میں ان کو نشانہ بنائیں گے۔
