ڈومینیکا (آن لائن)قومی ٹیم کے سینئر بلے باز یونس خان کا کہنا ہے کہ انہیں ٹیسٹ کرکٹ سے ریٹائر منٹ لینے کا کوئی افسوس نہیں ہے کیوں کہ وہ اپنے کیریئر میں وہ سب کچھ حاصل کرچکے ہیں جو ان سے پہلے کئی پاکستانی بلے بازحاصل نہیں کرسکے تھے۔ ڈومینیکا میں ویسٹ انڈیز کیخلا ف اپنے ٹیسٹ کیریئر کا آخری میچ کھیلنے سے قبل میڈیا سے گفتگو کرتے ہوئے یونس خان کا کہنا تھا کہ انہیں اس بات کو کوئی خوف نہیں ہے کہ کرکٹ چھوڑنے کے بعد انہیں کروڑوں روپے نہیں ملیں گے،انہیں اس بات کی خوشی ہے کہ وہ اپن پسندیدہ کھیل کو روتے ہوئے نہیں بلکہ عزت سے چھوڑ کر جا رہے ہیںاور اسی لیے آخری ٹیسٹ کھیلتے ہوئے بہت خوش اور مطمئن ہیں۔ان کا مزید کہنا تھا کہ انہوں نے اپنے کیریئر میں اچھے برے دن دیکھ رکھے ہیں ،2009 ءمیں بحیثیت کپتان آئی سی سی ورلڈ ٹی 20ٹرافی اٹھاناان کی زندگی کا یاد گار دن تھا۔
