گجرات (خصوصی رپورٹ) 6دن کی دلہن غیرت کے نام پر قتل‘ شوہر فرار ہو گیا۔ تفصیلات کے مطابق گجرات کے گاﺅں بھاگووال کی 29سالہ سمیرا نواز کی 5مئی کو اس کے کزن اسد سے سرگودھا میں شادی ہوئی۔ شادی کے صرف 6دن کے بعد ملزم اسد نے اپنی بیوی کو فون پر بات کرتے دیکھا تو یہ گمان کیا کہ اس کے کسی دوسرے مرد کے ساتھ تعلقات ہیں۔ اس نے 6دن کی دلہن کو اس کے میکے میں فائرنگ کر کے مار ڈالا۔ پولیس نے نعش عزیز بھٹی شہید ہسپتال میں بھیج دی۔ ملزم کے خلاف مقدمہ درج کرتے ہوئے پولیس نے ملزم کی تلاش شروع کر دی ہے۔
