اسلام آباد (مانیٹرنگ ڈیسک) جنرل (ر) طلعت مسعود نے کہا کہ پاکستان کی ہمیشہ حواہش رہی ہے کہ مسلمان ملکوں کے مابین اتحاد رہے پاکستتان کے تعلقات سعودی عرب اور قطر دونوں کے ساتھ گہرے ہیں چینل ۵ کے پروگرام نیوز ایٹ8 میں گفتگو کرتے ہوئے انہوں نے کہا پاکستان مثبت کردار ادا کرنے کی کوشش کر رہا ہے تا کہ تناﺅ کم ہو۔ ایسا لگتا ہے کہ قطر نے کچھ لچک دکھائی ہے امریکہ کی بھی خواہش ہے کہ حالات زیادہ حراب نہ ہوں سعودیہ کو اس لئے بھی اہمیت دی جا رہی ہے تا کہ وہ ایران کے خلاف محاذ کھڑا کرے۔ مسلم لیگ ن کی رہنما شکیلہ لقمان نے کہا کہ عمران خان خود ہی باتیں بناتے ہیں ہماری جانب سے کوئی ایسی بات نہیں ہوئی کہ جے آئی ٹی میں پیشی کے وقت بسیں بھر کر لائی جائیں گی عمران خان افواہیں پھیلا رہے ہیں وزیراعظم قانون کی بالادستی پر یقین رکھتے ہیں مسلم لیگ ن پر کوئی دباﺅ نہیں۔
