لاہور (خصوصی رپورٹ) پاکستان میں مذہبی اور لسانی فسادات پھیلانے میں ناکامی کے بعد بھارت نے پاکستان میں بغیراطلاع کے پانی چھوڑنے کا مذموم منصوبہ بنا لیا۔ بھارت نے راوی‘ ستلج‘ بیاس‘ چناب‘ سندھ میں پانی چھوڑنے کی منصوبہ بندی کرلی اور اس ضمن میں اپنے متعلقہ اداروں کو بھی ہدایات جاری کردی ہیں۔ ذرائع کا کہنا ہے کہ اس حوالے سے بھارتی خفیہ اداروں نے پاکستانکے اندر پاری چھوڑنے کے مزید گڑ بڑ پیدا کرنے کیلئے کام شروع کردیاہے۔ ایک رپورٹ کے مطابق بھارت ایک جانب دریاﺅں میں اچانک پانی چھوڑے گا اور دوسری طرف پاکستان کے اندر اپنے زر خرید افراد کے ذریعے کئی دریائی بندوں میں شگاف ڈال دیا جائے گا تاکہ پانی مختلف علاقوں میں داخل ہو اور پھر اس کے بعد احتجاجی مظاہرے کروا کر پولیس اور دیگر فورسز کے ساتھ مظاہرین کے جھگڑے‘ لوٹ مار کروا کر ملک کے اندر بدنظمی پیدا کرنے کی کوشش کی جائے گی۔ مصدقہ ذرائع کے مطابق بھارت کی اس گھناﺅنی سازش کے حوالے سے حساس اداروں نے بھی کام شروع کردیا ہے اور متعلقہ اداروں کو اس سے نمٹنے کی ہدایات بھی جاری کردی ہیں۔ پاکستان کے تمام دریاﺅں میں جہاں بھارت کی جانب سے اچانک پانی چھوڑے جانے کے خدشات ہیں ان دریاﺅں کے پشتوں کو مضبوط کرنے اور سیلاب سے بچاﺅ کے حوالے سے بھی کام شروع کردیا گیا اور ایسے تمام گروہ جوان کیلئے کام کرسکتے ہیں ان کیخلاف بھی کاروائی شروع کردی گئی ہے۔
