فیصل آباد(سٹی بیورو)لیگی ایم پی اے مدیحہ رانا کا بیوٹی پارلر پرملازمین سے جبری مشقت لینے کی کوشش، صبح6بجے ایم پی اے کا میک اپ سے انکار پر غریب محنت کش ملازمین کو سنگین نتائج کی دھمکیاں، اپنے بیوٹی پارلر میں کام نہ کرنے پر چوری کے الزام میں پھنسائے جانے اور اغواءکی دھمکیاں تفصیل کے مطابق علاقہ اقبال کالونی سی بلاک کی رہائشی سحر نسیم اور وارث پورہ یٰسین آباد کی رہائشی رابعہ کی جانب سے تھانہ بٹالہ کالونی میں درخواست دی گئی ہے کہ وہ سولہ سنگار بیوٹی پارلر پر کام کرتی تھیں جہاں پرن لیگی ایم پی اے مدیحہ رانا میک اپ کروانے کے لیے آتی تھیں مدیحہ رانا نے اپنے گھر پر پارلرمیں کام کرنے پر بہتر اجرت دینے کا کہا جس پر ہم دونوں نے سولہ سنگار سے ملازمت چھوڑ کر مدیحہ رانا کے پاس جاب شروع کردی مدیحہ رانا نے جب بھی کبھی پارٹی کے کسی کام یا اسمبلی میں جانا ہوتا ہمیں ہمارے گھروں سے مدیحہ رانا کا شوہر اپنے گھر پارلر لے جاتا او مدیحہ رانا کا صبح سویرے میک اپ کرنا پڑتاجو بات ہمارے گھر والوں کو بری لگتی جس پر ہم نے گھر والوں کے کہنے پر ملازمت چھوڑنے کا ارادہ کیا اور پارلر کی چابیاں مدیحہ رانا کے روبروبیٹے کے سپرد کردی جس پر مدیحہ رانا نے ان کے پاس ملازمت نہ کرنے پر گھر سے اغواءکرنے اورچوری کے الزامات میں پھنسانے کی دھمکیاں دے رہی ہیں۔اس حوالے سے مدیحہ رانا کا موقف جاننے کے لیے متعدد بار رابطے کی کوشش کی گئی مگران سے رابطہ نہیں ہوپایا۔
