لاہور( شوبز ڈیسک)نامور اداکار نعمان اعجاز نے کہا ہے کہ ہماری فلم انڈسٹری سے زیادہ اس وقت ڈرامہ انڈسٹری نے زیادہ عروج حاصل کرلیا ہے اور اپنا کھویا ہوا پرانا مقام دوبارہ پالیا ہے جس کی وجہ سے شوبز سے وابستہ تمام افراد میں خوشی کی لہر پائی جارہی ہے۔سینئر ٹی وی آرٹسٹ نے کہا کہ اصل میں عید الاضحی پر دی جانے والی قربانی کے فلسفے کو سمجھنے کی ضرورت ہے ، قربانی میں ایک دوسرے سے مقابلے بازی نہیں ہونی چاہیے ۔ خصوصی گفتگو کرتے ہوئے نعمان اعجاز نے کہا کہ عید الاضحی پر خدا قربانی کرنے والے کی نیت کو دیکھتا ہے اس لئے ہمیں اس پر غور کرنا چاہیے ۔
انہوں نے کہا کہ جسے اللہ تعالیٰ نے استطاعت دی ہے اسے اللہ کی راہ میں خرچ کرنا چاہیے ۔اگر آپ صاحب ثروت ہیں تو آپ کسی مستحق کو قربانی کے لئے جانور خرید کر دیں ۔ قربانی میں ایک دوسرے سے مقابلے بازی کا رجحان نہیں ہونا چاہیے۔انہوں نے کہا کہ عید الاضحی کے تہوار سے ہمیں ایثار کا جذبہ ملتا ہے اور اسی فلسفے کو سمجھنے کی ضرورت ہے۔
