این اے 120 میں بڑا کھڑاک ،عمران لاہور پہنچ گئے ، زرداری اور بلاول کب آئینگے ، دیکھئے خبر

لاہور (خبر نگار) این اے 120 کے ضمنی الیکشن کا معرکہ، لاہور سیاسی سرگرمیوں کا مرکز بن گیا، سیاسی جماعتوں کے سربراہان نے بھی لاہور میں ڈیرے جمالئے۔این اے 120 کے ضمنی الیکشن کے لیے سیاسی جماعتوں کے درمیان جوڑ توڑ عروج پر پہنچ گیا۔ ضمنی الیکشن جیتنے کے لیے سیاسی جماعتوں کے سربراہان کی سرگرمیوں میں تیزی آگئی ہے۔ رائے ونڈ میں سابق وزیر اعظم نواز شریف جبکہ کپتان بھی لاہور پہنچ گئے۔ آصف علی زرداری اور بلاول بھٹو عید کے بعد لاہور کو سیاست کا محور بنائیں گے۔ مسلم لیگ نون کی ا±میدوار کلثوم نواز کی عدم موجودگی پر انکی صاحبزادی مریم نواز نے انتخابی مہم کا آغاز کر دیا ہے۔ کپتان چئیرمین سیکرٹریٹ میں این اے 120 کی یونین کونسلوں کے نمائندوں سے ملاقاتیں کریں گے۔ الیکشن میں کامیابی کے لیے جارحانہ حکمت عملی مرتب کی جائے گی۔ پی ٹی آئی عوامی تحریک کے بعد جماعت اسلامی اور دیگر آزاد ا±میدواروں سے بھی رابطے کرکے کلثوم نواز کے مقابلے میں متفقہ ا±میدوار لانے کی کوششیں کر رہی ہے۔