لاہور (ویب ڈیسک) پاکستان کا دورہ کرنے والی ورلڈ الیون کے کوچ اور سابق زمبابوین کپتان اینڈی فلاور نے بالآخر ٹیم میں بھارتی کھلاڑیوں کو شامل نہ کرنے کی وجہ بتا دی ہے جسے جان کر پورا بھارت ہی شرم سے پانی پانی ہو جائے گا کہ اب پوری دنیا ان کے بارے میں کیا سوچتی ہے۔
کپتان فاف ڈوپلیسی کے ساتھ پریس کانفرنس کرتے ہوئے اینڈی فلاور نے کہا کہ سیاسی ایشوز پر بھارت کی جگہ دیگر ممالک کے کھلاڑیوں کو ترجیح دی اور پاکستان کرکٹ بورڈ کے کہنے کے مطابق اپنی طرف سے پوری کوشش کی کہ ورلڈ الیون میں زیادہ سے زیادہ ملکوں کی نمائندگی ہو اور اچھے کھلاڑیوں کو شامل کیا جائے۔
واضح رہے کہ آئی سی سی ٹی 20 ورلڈ الیون کے کپتان ویرات کوہلی ہیں اور اس وجہ سے بھارتی میڈیا نے اس وقت ہی خدشات کا اظہار شروع کر دیا تھا کہ کہیں پاکستان بھیجی جانے والی ٹیم میں بھارتی کھلاڑیوں کو شامل نہ کر دیا جائے۔
اگرچہ بھارت کا یہ خدشہ دور ہو گیا ہے اور کوئی بھی بھارتی کھلاڑی اس ٹیم میں شامل نہیں لیکن اس سے پوری دنیا کو بھارت کا مثبت چہرہ نظر نہیں آیا بلکہ سب ہی حیران ہیں کہ کرکٹ کو سیاست کی بھینٹ کیوں چڑھایا جا رہا ہے
