راولپنڈی (بیورو رپورٹ) آرمی چیف جنرل قمر جاوید باجوہ نے تاریخی ایونٹ کے انعقاد پر فاٹا کی عوام کا شکریہ ادا کرتے ہوئے کہا کہ آج دنیا نے دیکھ لیا کہ پرعزم قومیں مشکلات سے کیسے نکلتی ہےں، پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ نے شمالی وزیرستان میں کامیاب ایونٹ کے انعقاد پر پی سی بی پشاور زلمی میچ میں شریک ٹیموں اور میڈیا کا شکریہ ادا کرتے ہوئے کہا ہے کہ شمالی وزیرستان میں امن جیت گیا، ہم امن سے محبت کرنے والی قوم ہیں اور یہ حقیقی شمالی وزیرستان اور پاکستان ہے، انہوں نے کہا کہ دنیا نے دیکھا کہ پاکستانی مشکل وقت میں ثابت قدم رہ کر مشکلات پر قابو پانے والی قوم ہیں۔ آرمی چیف جنرل قمر جاوید باجوہ سے جرمنی کے سفیر مارٹن کوبلر نے ملاقات کی جس میں جس میں باہمی دلچسپی کے امور اور سیکورٹی کی صورتحال پر تبادلہ خیال کیا گیا۔جمعرات کو پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے جرمنی کے سفیر مارٹن کوبلر نے جی ایچ کیو میں ملاقات کی جس میں باہمی دلچسپی کے امور اور خطے میں سیکورٹی کی صورتحال پر تبادلہ خیال کیا گیا۔جرمن سفیر نے کہاکہ جرمنی دہشتگردی کے خلاف جنگ پر پاکستان کا شکرگزار ہے اور دونوں ممالک کے درمیان دوطرفہ تعلقات کو مزید فروغ دینے کیلئے اپنا بھرپور تعاون جاری رکھے گا۔
